影片
更多
2023-01-31
90 瀏覽
午餐價錢合理，我食一個刺身定食，都係百幾蚊，反而小朋友揀一鍋一燒就貴少少，不過一個價錢又可以燒肉又可以火鍋，銅鑼灣地段都唔稱得上好貴。先講我個套餐有幾款刺身，都好新鮮，不過壽司味道更好，壽司啲飯微暖加上魚生嘅油脂一齊食，非常好味。之後仲有個午餐盒，入邊都有刺身同壽司，刺身可能平價啲，同埋雪得明顯比較凍啲，但最後仲有個熱烏冬，百幾蚊有咁多嘢食，性價比高。一燒一鍋有燒和牛同埋豚肉各2片，味道濃郁，而且唔會好韌，開頭仲以為燒完之後會直接用返同一個煲做火鍋，點知原來因為太多油，店員會另外換一個新嘅煲先至開始火鍋，火鍋叫咗海鮮，嗰兩隻蜆超級大隻，而且好肥美，隻蝦亦都好大，而且好鮮甜爽口，湯底好好味，我哋連菜都全部食清光。食飽之後最開心係，餐廳有好多位可以打卡，餐廳好大，裝修好日式，淨係影相都玩左半個鐘先走😂😂
先講我個套餐有幾款刺身，都好新鮮，不過壽司味道更好，壽司啲飯微暖加上魚生嘅油脂一齊食，非常好味。
之後仲有個午餐盒，入邊都有刺身同壽司，刺身可能平價啲，同埋雪得明顯比較凍啲，但最後仲有個熱烏冬，百幾蚊有咁多嘢食，性價比高。
一燒一鍋有燒和牛同埋豚肉各2片，味道濃郁，而且唔會好韌，開頭仲以為燒完之後會直接用返同一個煲做火鍋，點知原來因為太多油，店員會另外換一個新嘅煲先至開始火鍋，火鍋叫咗海鮮，嗰兩隻蜆超級大隻，而且好肥美，隻蝦亦都好大，而且好鮮甜爽口，湯底好好味，我哋連菜都全部食清光。
食飽之後最開心係，餐廳有好多位可以打卡，餐廳好大，裝修好日式，淨係影相都玩左半個鐘先走😂😂
張貼
