咖啡灣 (粉嶺中心) (已結業)

喺粉嶺中心做完野，於是等同老公一齊食飯嘅時候，發現原來而家粉嶺都有一間咖啡灣，之前去過荃灣嗰間，已經好喜歡。呢間嘅環境好靚好夢幻，有好多唔同既擺設及裝飾，以粉紅，粉藍，粉綠呢d少女顏色造櫈，靚到不得了，岩晒打卡🤳。食物有好多選擇，有小食，主食，唔同嘅靚靚飲品同埋甜品。真係可以同班frd可以慢慢食慢慢chill😚UFO小食拼盤，有薯條，炸得很香口。雞翼有兩款味道，一款微辣，另一款有玫塊糖漿，入口前覺得個配搭有d怪，但食落口好香玫瑰味，甜甜地似蜜糖，兩款都好食。炸魚塊，係金黄色嘅魚塊，外脆内軟，魚肉細嫩，似酒樓嘅椒鹽九肚魚。炸紫薯波幾好食，裏面好香紫薯味，唔會太甜，質感軟身。炸墨魚仔，炸漿薄薄的，墨魚新鮮爽口唔韌。鐵板雞扒蕃茄醬汁燴意大利麵，雞扒肉嫩多汁。濃濃嘅蕃茄汁，味道夠酸，清新又好開胃。意粉麵質彈牙有咬口，伴入蘑菇和洋蔥，豐富口感。夏威夷果汁醬燒豬肋骨，面鋪滿醬汁，有d熱情果嘅果汁味，酸酸甜甜，同平時食嘅BBQ醬一樣好惹味，不過少左辣味。豬肋骨大約有7條，肉質鮮嫩入味而且夠腍，輕輕一切已經骨肉分離。呢度飲品種類多，有花茶，水果茶，超級靚嘅rainbow latte☕畫左可愛嘅卡通人物