海港酒家

營業中

休息中

本身對海港冇乜好感，去過兩間分店啲知客都興擺款。不過為遷就好友熟路而且要搵地方磨爛𥱊長傾就姑且又睇吓呢間荃灣分店menu。預先訂位都寧舍巴閉，要湊夠6人先俾訂。為着與太耐冇見之好友們吹水，冇咩下午茶特價嘢，事但嗌吓啲飯麵、點心。先上係「蘿蔔千絲酥」，都係工場貨，叫做夠熱；「酸甜炸雲吞」繼續3件裝，幾夠鬆脆每件一粒蝦球；午市孖寶E餐「法式蝦球烏冬配腐皮素鵝」，汁底芝士白汁夠多汁，蝦球冇乜蝦味不過都爽口彈牙，烏冬係用番傳統粗身嗰啲。素鵝係當中最好食，脆口唔膩，又足餡料。至於服務，侍應繼續成日時運高睇你唔到，唔願斟水。