彩星酒家 (已結業)

見佢新開又大大隻字寫住豬骨煲皇，於是黎試下啦。一去到小貓三兩隻，於是好快比左張卡位。拿起張紙睇見湯底都唔少，除左澳門豬骨煲外，仲有乜鬼水佬豬骨煲，問個侍應同經理，居然兩個都講唔出，只係帶你遊花園，最後穩陣計叫左個澳門豬骨煲算啦。同埋叫左手切肥牛，牛葉，鵝腸，脆鯇腩，烏冬。個煲好快就到，打開蓋好似好多野咁，主要有幾舊大豬骨，幾舊豬軟骨，蘿蔔，芹，粟米，無離頭仲有D魚肉。豬骨太大舊，位多，冇肉又冇骨髓。蘿蔔有楂唔靚，粟米唔係超甜粟，冇味，魚肉溝水太多，散晒。全晚火鍋料，手切肥牛明顯唔新鮮，切好等ORDER個隻，鵝腸又係急凍個隻，真係懷念力奇個D。牛葉脆鯇腩乏善足陳。最離譜係有個男侍應，我見張紙上面有幾樣料用紅色字寫，問佢點解，佢居然話剩黑色齋嘛，有D咪紅色寫囉，當我白癡架咩，咁都UP得出，埋單要成三舊幾唔抵食，以後唔會再黎。