影片
更多
2022-01-07
191 瀏覽
趁最後一日有堂食，大家都食盡佢。我發現身邊嘅朋友都好鍾意打邊爐，所以又係去打邊爐! 好少嚟上水區，所以唔知揀邊間，住上水嘅朋友就叫我同佢去食牛摩，好彩朋友知道應該好多人食，所以就一早用定電話app攞飛，所以去到唔使點等就有得入座啦，排隊嘅時候見到門口有一個放日本和牛嘅雪櫃，見到雪花紋都係好靚!都唔知幾耐之後先再有得食晚市，所以就食豪小小，食美國和牛套餐，湯底見到有個牛魔頭嘅雞白湯，好得意所以就嗌咗佢!坐低好快就已經有個湯底，見到實物真係好得意，不過個煲滾得好快，所以個牛魔頭就好快溶咗了。落單嘅時候可以揀要唔要第一輪嘅雞同豬，我同朋友就麻麻地雞，所以就淨係要豬同牛就算。見到第一輪啲和牛覺得雪花紋好靚，而且碌完之後食落去肉質都係嫩嘅。叫咗下兩級嘅牛肉試下，發現真係喺味道同色澤上面真係有分別！座位出面可以拎到蔬菜同埋一啲丸類配料，朋友就拎咗啲烏冬，我就拎咗玉子豆腐同埋壽司試下，醬油區都有好多唔同嘅配搭我就拎咗柚子醋同埋豉油。飲品都有幾個櫃可以拎到唔同嘅嘢飲，朋友就拎咗解茶但係我就梗係拎沙冰飲啦平時出面買好貴㗎嘛。有蘋果沙冰同埋芒果沙冰，我就揀咗蘋果沙冰，甜度適中，而且都唔會好快溶雪，幾好。朋
都唔知幾耐之後先再有得食晚市，所以就食豪小小，食美國和牛套餐，湯底見到有個牛魔頭嘅雞白湯，好得意所以就嗌咗佢!坐低好快就已經有個湯底，見到實物真係好得意，不過個煲滾得好快，所以個牛魔頭就好快溶咗了。落單嘅時候可以揀要唔要第一輪嘅雞同豬，我同朋友就麻麻地雞，所以就淨係要豬同牛就算。見到第一輪啲和牛覺得雪花紋好靚，而且碌完之後食落去肉質都係嫩嘅。叫咗下兩級嘅牛肉試下，發現真係喺味道同色澤上面真係有分別！座位出面可以拎到蔬菜同埋一啲丸類配料，朋友就拎咗啲烏冬，我就拎咗玉子豆腐同埋壽司試下，醬油區都有好多唔同嘅配搭我就拎咗柚子醋同埋豉油。飲品都有幾個櫃可以拎到唔同嘅嘢飲，朋友就拎咗解茶但係我就梗係拎沙冰飲啦平時出面買好貴㗎嘛。有蘋果沙冰同埋芒果沙冰，我就揀咗蘋果沙冰，甜度適中，而且都唔會好快溶雪，幾好。朋友覺得豬肉肥瘦適中，亦都係嫩口，唔錯唔錯。本身個套餐包埋墨魚滑，但係太遲嗌，所以已經賣曬啦，真係好可惜。不過見到仲有鴨血同埋牛舌，我覺得牛舌係驚喜地好食，薄薄地所以可以好快熟，牛舌嘅味道足夠之餘亦都有牛舌嘅爽脆感覺。所以牛舌我自己都嗌咗四五碟嚟食。密密食一個鐘頭之後就開始收手食甜品，呢間同屯門嗰間相比，就冇咗乳酪味雪糕，不過朱古力味雪糕都係幾好食，而且可以喺隔離係咁加唔同嘅配料，咁就豐富咗成個雪糕! 甜品櫃仲有泡芙同埋布甸，不過我食咗雪糕已經好足夠，等遲啲再儲下錢食高一級嘅牛肉。
張貼
