京滬佳餚 (The LOHAS康城) (已結業)

將軍澳日出康城間京滬佳餚, 我以前都幫襯過兩次，餐廳最新推出下午茶一人餐, 就黎試一試。我中意佢性價比高，仲有我三次黎都覺得服務招呼幾好）。餐廳係新商場內，裝修比較新式, 座位寬敞，養狗人士仲可以坐戶外。下午茶精選套一人餐$68京滬三拼(蔥油紅蜇,酲醋小排骨,家香醬黃瓜)紅蜇香滑爽口, 排骨酸酸甜甜好醒胃, 黃瓜爽口清甜微酸。四小拼(招牌小籠包, 珍珠糯米燒賣, 紅油抄手, 芝士脆蝦卷) 小籠包皮不太厚, 入口爆汁, 肉香滿溢。糯米燒賣夠香口, 紅油抄手微辣夠入味, 醬汁超好味。芝士脆蝦卷夠香脆, 芝士味微濃。老上海蔥油拌麵蔥絲油炸爆香, 再配醬油撈麵, 麵身軟硬適中, 唔肥膩夠幼滑。滬式炸醬麵炸醬麵以青瓜絲作伴碟, 炸醬肉調味得夠入味, 好香, 越食越好味。食到我好飽，$68有咁多野食，其實真係好抵食。