醉美島 (已結業)

今日又再一次嚟到元朗搵好嘢食，每一次嚟元朗，每一次都會有驚喜😎，今次嚟到位於元朗鳳攸南街嘅醉美島。呢間餐廳主打食串燒同埋海鮮鍋，海鮮鍋都有唔少人點，睇落好吸引🤩，不過元朗掃街已經食咗唔少嘢，所以都係食串燒啦😆。。價錢非常之親民，而且味道非常之好，調味好出色，CP值勁高。而且佢有唔少都可以選擇加配金菇或者粉絲🙈。。我哋叫咗好多唔同嘅串燒，同埋烤小菜。佢啲菜名搞鬼得來又真係幾特別。「停唔口雞泡魚干」真係好食到停唔到口，烤得干身得黎好有咬口，食到停唔到口😝。另外，燒生蠔都好正，勁大隻，好肥美。蒜蓉燒得好香，我哋兩個人叫左半打，但係都覺得唔夠喉想再食😂。仲有一啲錫盒類，我哋叫咗魷魚鬚、花甲、娃娃菜，都幾吾錯👍🏻。