齊齊滾

營業中

休息中

今次嚟到尖沙咀呢間嘅火鍋放題，自助火鍋配料吧，肉類無限量供應，多達70款食物22款飲品可以選擇，120分鐘晚市火鍋自助遊，晚上六時到12時供應，長者同小朋友會減收$30。分咗三款唔同嘅放題套餐可以選擇，第一走有精選牛肩胛+黑豚火鍋放題，可以食到美國嚴選牛肩胛、黑毛豬、豬梅肉片、羊肉卷、雞柳，而第二款牛魔王火鍋放題就會多埋美國嚴選極上牛小排、美國嚴選封門柳，第三款特選和牛盛火鍋放題，會有埋美國和牛肉眼同送蠔皇鮑魚或脆炸蟹鉗！喺另外自選脆肉鯇、炸魚皮、雲吞、水餃、魚皮餃、韭菜餃、豬肚、豬腸、泡芙，自助餐點櫃仲有埋各類丸類、蔬菜、小食、甜品同飲品。湯底選擇一人一鍋，有八款唔同嘅湯底可以選擇，有秘製重慶麻辣湯，齊齊壽喜燒湯、香草櫻花龍蝦湯、蘿蔔牛肉湯、日式鰹魚昆布湯、胡椒豬肚湯、藥膳養生雞湯同皮蛋芫荽湯可以選擇。今次我就同朋友就揀咗壽喜燒湯同埋日式鰹魚昆布湯，食完都抱住個肚離開，真係非常抵食好味！