影片
更多
2019-12-15
1492 瀏覽
假日飲茶都預左要排隊,但無諗到咁誇張,酒樓門口企滿人,想攞排隊號碼都要穿穿插插先攞到!這裡空間非常大,雖然d枱排得密密麻麻,不過就因為咁先容易等到位,唔洗半個鐘已經可以入去!坐低後立即搵點心紙,選擇都唔少!<鳳爪排骨飯> 飯粒軟硬適中夠哂熱,淋上豉油加埋豉椒,又香又好味,可惜排骨唔算多肉,鳳爪好細隻,有點失色!<紫心香芋丸> 炸得好乾身,沒有油膩的感覺,內裡的香芋餡好味又唔甜,真係食得好滋味!<鮮蝦腐皮卷> 未食已經覺得好油膩,外皮唔係好香脆,餡料雖然有蝦有豬肉,但太油膩,食左半件已經有點濟!<翡翠筍蝦餃皇> 蝦餃蒸得好熱出哂煙,皮薄餡靚,咬開蝦餃見到大隻又新鮮的蝦,內裡還有筍,食起來好爽口!味道不錯!<蒜蓉蒸鮮魷> 除了有魷魚筒又有魷魚鬚,咬左幾下,居然食起來唔韌又爽口,下面仲放左好多粉絲墊底,吸盡蒜蓉汁,一啖魷魚一啖粉絲,十分好味!整體來講,酒樓環境雖然大,但枱和枱之間實在太密,坐得比較迫!人手又唔夠,每次點單或加水都要自已行出去搵人,服務方面仍待改善!至於食物都算可以,下午茶大中小點同價非常優惠,下次
這裡空間非常大,雖然d枱排得密密麻麻,不過就因為咁先容易等到位,唔洗半個鐘已經可以入去!
坐低後立即搵點心紙,選擇都唔少!
<鳳爪排骨飯> 飯粒軟硬適中夠哂熱,淋上豉油加埋豉椒,又香又好味,可惜排骨唔算多肉,鳳爪好細隻,有點失色!
<紫心香芋丸> 炸得好乾身,沒有油膩的感覺,內裡的香芋餡好味又唔甜,真係食得好滋味!
<鮮蝦腐皮卷> 未食已經覺得好油膩,外皮唔係好香脆,餡料雖然有蝦有豬肉,但太油膩,食左半件已經有點濟!
<翡翠筍蝦餃皇> 蝦餃蒸得好熱出哂煙,皮薄餡靚,咬開蝦餃見到大隻又新鮮的蝦,內裡還有筍,食起來好爽口!味道不錯!
<蒜蓉蒸鮮魷> 除了有魷魚筒又有魷魚鬚,咬左幾下,居然食起來唔韌又爽口,下面仲放左好多粉絲墊底,吸盡蒜蓉汁,一啖魷魚一啖粉絲,十分好味!
整體來講,酒樓環境雖然大,但枱和枱之間實在太密,坐得比較迫!人手又唔夠,每次點單或加水都要自已行出去搵人,服務方面仍待改善!至於食物都算可以,下午茶大中小點同價非常優惠,下次再來我都會簡下午茶時段!
張貼
