新嚐泰泰國餐廳

營業中

休息中

黎到灣仔呢頭食野，我同朋友搵到呢間泰國餐廳，就去試下！呢間泰國餐廳係樓上鋪黎，一入到黎覺得環境不錯，座位闊落，坐得幾舒服🥰食物方面，我地揀左豬肉碎生菜包、椰汁雞湯、酸辣青檸蒸魚同埋串燒沙嗲（豬,雞）豬肉碎生菜包，豬肉碎味道辣辣地好惹味呀。配埋新鮮爽脆嘅生菜，一啖咬入口，好juicy, 豬肉唔會太乾身。份量都好多！適合中意食辣嘅朋友😍椰汁雞湯，味道非常濃郁，椰汁味好香，配埋嫩滑嘅雞肉，好味呀！酸辣青檸蒸魚，佢雖然話係蒸魚，但其實都係用爐上嘅，我中意呀😚 滾下滾下開心D! 魚嘅肉質都好嫩滑，而且條魚都好大條好多肉。配左酸酸辣辣嘅湯底，好開胃。串燒沙嗲，揀左細份6串，可以揀一半豬一半雞。沙嗲味道非常濃郁。好惹味呀。