嚐館 (已結業)

黃大仙中心有唔少高質食店進駐，西餐廳就有Cityfresh Bistro，餐廳裝修光猛時尚，座位以卡位為主，坐得舒服。好朋友今日生日，我請佢去食飯慶祝。精選二人套餐好豐富又抵食。是日餐湯兩客：忌廉湯滑溜creamy。招牌小食拼盤有酥炸軟殼蟹、青檸黑胡椒雞翼、洋蔥圈、脆炸魚柳，全部都係即炸，香脆可口，唔會好膩。主菜原隻香草蜜糖燒春：春雞外皮燒至金黃色，又香又脆，肉質細嫩鮮美有肉汁，蔬菜和薯仔吸盡雞肉的精華，份外美味！意大利風乾火腿薄餅：餅底厚薄適中，意大利火腿肉質柔軟，脂肪分佈均勻，含濃郁的栗樹林香。配芝士和蕃茄，味道層次豐富，十分惹味！芒果蘆薈青檸特飲，香甜清爽，雖然加咗冰，飲到最後一啖都唔會淡到冇味！朱古力曲奇沙冰：朱古力味道香濃，配上透心涼的沙冰，令人有豐富的味覺享受！