一汁一菜 (中環街市) (已結業)

今日經過中環街市見到有間和風輕食料理外賣店，有個$178二人餐好富豐，包括有2個湯、1個咖喱飯、1個日本米飯、2個日本料理同兩杯飲品，咁抵食就決定買返去做今晚既晚餐。北海道產甜粟雞肉豆乳濃湯第一啖飲落去…嘩…好好飲，濃頭好creamy，味道清甜，有齊粟米粒、西蘭花同雞肉，材料十足！意大利產蕃茄蔬菜濃湯蕃茄味道濃郁，有蔬菜嘅清甜味！仲有既係入面有一隻溫泉蛋，真係超吸引！濃香牛肉野菌咖哩飯小小的一個杯子裡藏著滿滿的牛腩，份量真係好多，而且挺大件，炆得非常入味，入口鬆化！咖哩味香濃，微微辛辣，拌飯真係一流，好有日本既風味！蕃茄菠菜芝士雞肉卷 雞肉捲住芝士同菠菜，再用牛油加蒜蓉煎至金黃，雞肉卷質感嫩滑，配上濃稠既番茄汁，酸甜開胃。五彩野菜濃豆腐伴涼伴小菜有菠菜、蘿蔔絲、菇、腐皮同蒟蒻，有陣陣麻油既香味，清清地適合素食既朋友。飲品飲品有兩款選擇，包括凍蜜桃紅茶同凍玄米青茶，我地每樣要左一杯試下，凍蜜桃紅茶味道少少蜜桃味，又不會太甜，幾好飲，而凍玄米青茶，含纖維同有利於腸胃，消滯止渴。野菜沙律杯另加$20加配，野菜包括蕃茄、生菜、紅蘿蔔、紫甘藍、青瓜同奇異果，配美味醬汁，野菜十分新鮮，高纖健康。