味真

營業中

休息中

第一城呢邊好多餐廳，朋友帶我去食佢既飯堂，食韓國野。原來呢到午餐主要係食面/飯類，而夜晚主要食燒肉。今日我地夜晚黎到，就簡左燒肉，餐廳既凳係可以打開放袋入去，咁D袋就唔會有燒肉味，好貼心。一入座簡好食咩，店員就開始上小菜，小菜款式好多，有泡菜，蓮藕，用黎包肉既仲有生菜，蘿蔔。點肉既醬都有好幾款，有烤肉醬，蕃茄醬，鹽同埋cheese mayo。我地叫左豬肩肉同埋五花腩，肉類油脂分佈分明，特別係五花腩! 而且豬肉都唔會有韁味。另外，我地仲叫左豬皮，豬皮係本身已經熟左，可以直接食，店主推介我地點咖哩粉，黃豆粉，同埋醬油，第一次試呢個食法，又幾好食，而且豬皮好煙韌，咬落去感覺有D似年糕，好似食緊成塊骨膠原咁。肥牛面豉湯入面好多蔬菜，仲有牛肉，加埋碗飯落去就可以變湯飯。韓式雞蛋羹有高湯既味道，幾特別。