Picoso

營業中

休息中

醬汁小辣，入面有牛肉，番茄同墨西哥豆，佢嘅牛肉味幾濃，而且肉質適中又唔會太韌，用黎撈飯或者點脆脆都好正，不過美中不足係略嫌飯稔左小小。蟹餅表皮好鬆脆，切開發現蟹肉係意外嘅多，入面全部都係一絲絲嘅蟹肉！好驚喜！但始終呢到唔係食海鮮嘅地方，唔可以期望蟹肉可以好鮮好甜。墨西哥薄餅好抵食，食到我地兩個人差啲食唔曬。薄餅嘅餡料有芝士，葱同自選肉類（因為唔想樣樣都係牛肉，於是今次就揀左雞了），連埋面頭嘅蕃茄粒同牛油果醬食可以食到多重口感！本身對飲品冇乜期望，但點知青檸梳打唔係平時茶餐廳會見個隻青檸加梳打，呢到嘅青檸梳打加左薄荷葉，非常開胃，杯邊仲上左一層砂糖，飲得之餘又睇得。