影片
更多
2019-07-11
650 瀏覽
等咗十年, 碩門邨終於有第一間茶餐廳出現, 仲要係咁出名茶記, 當然要幫襯下啦~睇佢裝修都係幾沙田feel, 望入去都整哂沙田d屋邨名, 冇一般茶記咁簡單, 叫做有少少特式, 而坐位都以卡位為主, 應該會坐得幾舒服~無論乜嘢新餐廳開, 總會新屎坑, 所以我都靜候咗成個月, 先決定幫襯, 但每逢假期前夕的晚飯時間, 總會坐滿, 而且我又唔鍾意搭枱, 咁唯有叫外賣返歸食, 佢仲要外賣自取有9折, 咁就更加唔駛諗, 一定外賣自取, 夠哂抵食呀~不過睇勻佢張外賣紙, 款式選擇其實唔多, 晚飯小菜都只係得十款八款選擇, 不過第一次食, 總會諗到食乜嘢~電話落單後, 阿姐話15分鐘左右, 但其實我10分鐘左右去到, 都已經有得拎, 絕對符合香港人乜都要快~ 是日例湯老黃瓜湯, 對於我地嚟講係好正, 因為飲到淡淡老黃瓜味之餘又唔會太濃, 因為太濃會覺得落咗"師傅", 尤其是响茶記~ 瑞士汁豬軟骨煲外賣當然唔會有煲比你啦~ 不過都同個圖差不多, 都係有菜墊底, 如果堂食真係用煲的話, 我估佢個煲應該都幾細, 因為佢份量唔算多, 要用煲仔去裝, 先會覺得唔會太少囉~豬軟骨好入味, 炆得好淋, 淋到d軟
睇佢裝修都係幾沙田feel, 望入去都整哂沙田d屋邨名, 冇一般茶記咁簡單, 叫做有少少特式, 而坐位都以卡位為主, 應該會坐得幾舒服~
無論乜嘢新餐廳開, 總會新屎坑, 所以我都靜候咗成個月, 先決定幫襯, 但每逢假期前夕的晚飯時間, 總會坐滿, 而且我又唔鍾意搭枱, 咁唯有叫外賣返歸食, 佢仲要外賣自取有9折, 咁就更加唔駛諗, 一定外賣自取, 夠哂抵食呀~
不過睇勻佢張外賣紙, 款式選擇其實唔多, 晚飯小菜都只係得十款八款選擇, 不過第一次食, 總會諗到食乜嘢~
電話落單後, 阿姐話15分鐘左右, 但其實我10分鐘左右去到, 都已經有得拎, 絕對符合香港人乜都要快~
是日例湯
是日例湯
42 瀏覽
0 讚好
0 留言
老黃瓜湯, 對於我地嚟講係好正, 因為飲到淡淡老黃瓜味之餘又唔會太濃, 因為太濃會覺得落咗"師傅", 尤其是响茶記~
瑞士汁豬軟骨煲
瑞士汁豬軟骨煲
39 瀏覽
0 讚好
0 留言
外賣當然唔會有煲比你啦~ 不過都同個圖差不多, 都係有菜墊底, 如果堂食真係用煲的話, 我估佢個煲應該都幾細, 因為佢份量唔算多, 要用煲仔去裝, 先會覺得唔會太少囉~
豬軟骨好入味, 炆得好淋, 淋到d軟骨係化咁濟, 一pet gel咁樣, 唔講仲以為係肥膏, 不過瘦肉部份就鞋咗少少, 如果連d瘦肉都淋都化就正~
墊底d娃娃菜吸哂d精華, 正到冇得頂, 不過就略嫌油咗少少~
沙薑雞
沙薑雞
47 瀏覽
0 讚好
0 留言
係例牌份量, 被分配到有1只雞翼連尖, 幾舊胸肉同後背骨肉, 如果話1人份量係算OK, 但佢個外賣盒能夠配合到佢咁薄身, 就真係冇得一頂~
雖然d雞全部都係瘦肉, 但都唔算好鞋, 但味道濃咗d, 我覺得係偏鹹少少~
濃湯浸菜
濃湯浸菜
36 瀏覽
0 讚好
0 留言
呢個係送的, 冇得選擇, 明明落單果陣佢話計送杞子娃娃菜, 但廚房改咗送蒜子菜心, 呢個反而仲合心水, 不過份量就少咗d, 味道就好入味, 如果頭先唔係飲咗湯, 都會飲埋佢呢個聲稱係濃湯的湯~
白飯
白飯
45 瀏覽
0 讚好
0 留言
預咗冇飯味, 只要唔係一pet爛飯就已經接受了~
熱菜蜜
熱菜蜜
38 瀏覽
0 讚好
0 留言
兩杯似係兩個人沖, 打開一睇, 好明顯見到一杯深色d, 一杯淺色d, 我選擇咗淺色d果杯, 但都已經好濃, 其實深色d果杯絕對可以沖多一杯嚟飲~
如果佢keep住外賣自取有9折, 我諗都會keep住幫襯, 其實都係間中一至兩星期食一次, 就算款式唔多, 次次都係例牌, 應該都唔會咁快厭掛?
題外話/補充資料：
記得唔好WHATSAPP外賣, 都係打電話有真人聽穩陣, 因為呢餐就係諗住WHATSAPP落單, 點知淨係問佢少少嘢, 夜晚6點問, 到第朝11點先覆, 好彩見佢冇覆WHATSAPP, 即刻轉打電話落單啫~
(以上食評乃用戶個人意見 , 並不代表OpenRice之觀點。)
張貼
