麵屋車仔麵小食 (已結業)

最近發現屋企附近間日本野變左車仔麵，當然要試下啦！！！今日放假又晏左起身，去到車仔麵店剛剛三點幾，勁肚餓，見到有個「招牌車得麵餐」岩曬有選擇困難症既我！下午茶時段送豆漿！老闆好快拎左比我。可能因為新開，人客唔係好多，但其實望真店舖裝修得好乾淨有心思，最好笑牆上有「禁止放屁」個牌！！好快麵就到！！一黎到嚇左我一條！！其實我食咁多年車仔麵未食過有咁大條「腐皮卷」做餸既車仔麵！！！成件事未食已經好抵！！！要讚個咖哩魚蛋，個d汁我唔太食辣，我覺得好辣，但辣完無幾耐係覺得好香！係令人上癮既「汁」⋯⋯⋯我依家寫緊食評已經掛住個個「汁」！總結$40好抵食！！！老闆同老闆娘都好後生，相信係岩岩創業無耐！不過好有heart!推介！！！會再食！！！