光榮冰室 (厚福街) (已結業)

光榮冰室相信係好多人嘅飯堂，選擇多之餘，價錢又大眾化，味道亦絕對唔差，就連凍飲都唔洗加錢！今次食叉燒炒蛋飯，飲凍好立克走甜，同平時一樣，碟頭極大，炒蛋極多，叉燒都好足，加埋蔥好香，大碟到可以分兩餐！今次啲飯粒粒分明，再加多少少豉油，真係幾大碟都清得晒，杯好立克就夠晒濃，水吧肯定唔吝嗇，所以就算走甜都好夠味唔好以為咁貼地嘅餐廳仔，侍應一定冇禮貌，呢間光榮啲後生仔女都有禮貌，做嘢又快手，嚟醫肚真係超值！