海記合桃坊甜品 (已結業)

宜家係香港搵間糖水鋪食甜品，一份甜品無60, 70蚊都落唔到樓，分分鐘仲貴過你食正餐。呢間人龍甜品店就唔同，抵食夾大件，叫左2款甜品都好足料。2個人食$80仲有找！我就叫左個榴槤龍眼雪樂冰。榴槤既果肉一片片咁疊上去😍😍雪樂冰既部分充滿住榴槤肉既濃郁香氣，因為配合龍眼既關係，亦滲透住淡淡既清新口感。未食之前真係唔會想像到2者係可以咁夾！李老闆就點左紫薯香芋雪樂冰配芋圓！最近芋圓大熱，各大糖水店都加推呢類型既新產品。呢間既份量非常足料：芋圓，地瓜圓，紫薯圓好似唔使錢咁，食極都仲有，而且口感QQ，我就最中意地瓜圓！唯一缺點係，呢間店人龍係非一般既長，早少少到就唔使等太耐！