影片
更多
2022-08-08
322 瀏覽
金樂軒雞煲魚鍋 （北角）今日去北角搵朋友食飯，佢話呢度有間食小菜嘅非常不錯！估唔到閑逸晚上的七點已經八成滿座，所以原來佢都幾受歡迎！由於最近成日打邊爐同食雞煲，所以我哋今次主要食小菜😍首先我哋叫咗個椒鹽鮮魷魚（$98),魷魚非常卜卜脆，啲椒鹽味令到佢非常惹味，魷魚食落亦都彈牙！由於我哋實在太鍾意食椒鹽嘅餸，所以我哋嗌埋椒鹽豆腐（$60)!呢個價錢有咁多舊大大嚿嘅豆腐真係好抵，而且豆腐熱辣辣，又非常嫩滑！跟住我哋仲嗌左薑蔥生蠔煲（ $198 ）同啫啫通菜煲（ $88 ），仲有黑醋小排骨（ $88 ）！個薑蔥生蠔煲有六粒勁大粒的生蠔，整到好似平時薑蔥炒蟹嘅味道，每粒蠔都非常入味😆呢個配搭我都係第一次試！至於啫啫通菜煲佢有啲蝦米，炒埋一齊好有鑊氣同好好食！總括來講，呢間餐廳的小菜都非常出色！而且我哋叫到成枱都係餸，每人都係二百幾蚊😍真係非常抵！食到勁飽咁回家！！
今日去北角搵朋友食飯，佢話呢度有間食小菜嘅非常不錯！估唔到閑逸晚上的七點已經八成滿座，所以原來佢都幾受歡迎！由於最近成日打邊爐同食雞煲，所以我哋今次主要食小菜😍
首先我哋叫咗個椒鹽鮮魷魚（$98),魷魚非常卜卜脆，啲椒鹽味令到佢非常惹味，魷魚食落亦都彈牙！
由於我哋實在太鍾意食椒鹽嘅餸，所以我哋嗌埋椒鹽豆腐（$60)!呢個價錢有咁多舊大大嚿嘅豆腐真係好抵，而且豆腐熱辣辣，又非常嫩滑！
跟住我哋仲嗌左薑蔥生蠔煲（ $198 ）同啫啫通菜煲（ $88 ），仲有黑醋小排骨（ $88 ）！
個薑蔥生蠔煲有六粒勁大粒的生蠔，整到好似平時薑蔥炒蟹嘅味道，每粒蠔都非常入味😆呢個配搭我都係第一次試！
至於啫啫通菜煲佢有啲蝦米，炒埋一齊好有鑊氣同好好食！
總括來講，呢間餐廳的小菜都非常出色！而且我哋叫到成枱都係餸，每人都係二百幾蚊😍真係非常抵！食到勁飽咁回家！！
張貼
