金拇指米線 (紅磡廣場) (已結業)

今日收工有老公接放工，返工開會開咗幾個鐘連晏晝都冇得食。一收工立即同老公喺公司附近食嘢。點知俾我地發現左紅磡廣場地庫有一間餐廳，金拇指米線🍜。老公最鍾意食米線，所以立即就話要去食下。開頭見到個名以為鋪頭主要係食米線，冇其他野食。點知落到去見到個餐牌，真係嘩一聲。食物款式種類勁多，有健康菜飯，咖哩，鐵板扒餐，炒粉麵飯，下午茶，米線，咩都有你食。即刻坐低睇吓食乜好，老公最尾轉呔叫咗個紐西蘭牛扒鐵板餐，下午茶時段$53咋。好抵食。我仲留意到原來佢哋下午茶係去到6:30 㗎。到食飯嘅朋友可以當埋晚餐咁食真係抵到加零一。老公話個牛扒淋身，都唔錯。而我就叫咗重慶酸辣肉碎湯米線。我叫咗BB辣，真係唔多辣。而佢可以加配嘅餸都唔係貴，肥牛/豬扒/雞扒/豬頸肉/都係加$8咋。超級肚餓嘅我，叫晒呢幾款，再加墨魚丸魚蛋豬腸。食到捧住個肚走丫！👍🏻豬腸係超級好味，大大嚿但係又洗得好乾淨，加上佢用咗秘製嘅醬汁整，認真要試吓。👍🏻肥牛份量都唔少，潮州魚蛋墨魚丸係我最愛👍🏻豬頸肉雞扒同豬扒熱辣辣， 相信係即炸的，炸嘅時間啱啱好，皮脆肉嫩。喺紅磡廣場地庫可以搵到呢間嘢食，雖然餐廳平民化，似做開街坊生意，但係食物一啲都唔