影片
更多
2021-01-19
1207 瀏覽
之前上網買左啲野，今日要去荔枝角交收。我見之前好多人介紹呢間關東煮店，我又好耐未試過喺香港食過好食嘅關東煮，於是就去買啦，買完拎返屋企當lunch食。廚師發辦 $55呢個餐係包4個關東煮小食、一碗十五穀飯同埋送炸雞柳兩件嘅。咁話明係廚師發辦，我當然就無得揀食邊個餸嘅，直至返到屋企打開個盒先知入面有咩餸嘅。呢個感覺好得意，亦都係其中一個我想試呢間店嘅原因。炸雞柳呢個係即叫即炸嘅，所以我一拎到手已經聞到好香，一路行都一路聞到好香。啲雞柳都炸得幾好食，調味好，有雞味。十五穀飯紅米飯同糙米飯就食得多啦，十五穀飯就第一次見，聽落好健康。食落都食到好多唔同種類嘅米粒，有好多唔同口感，幾正，我幾鍾意。更正嘅係佢上面有蘿蔔絲同埋魷魚絲做配菜，啲配菜有麻香味，好食。關東煮呢個真係主角啦，以為真係得四款餸，點知原來每款餸都有少少，加加埋埋都有唔少餸。我食到有白蘿蔔、北海道黃色薯仔、日本黑魔芋、雞蛋、年糕福袋、豆腐同埋墨魚丸。每樣材料都煮得好入味，特別係年糕福袋真係一咬落去就包關東煮嘅汁。不過最驚喜嘅都係北海道黃色薯仔，本身以為係一個普通嘅薯仔，點知一咬落去超甜，甜到好似番薯咁，但有好有薯仔嘅香味，呢個北海
廚師發辦 $55
呢個餐係包4個關東煮小食、一碗十五穀飯同埋送炸雞柳兩件嘅。咁話明係廚師發辦，我當然就無得揀食邊個餸嘅，直至返到屋企打開個盒先知入面有咩餸嘅。呢個感覺好得意，亦都係其中一個我想試呢間店嘅原因。
炸雞柳
呢個係即叫即炸嘅，所以我一拎到手已經聞到好香，一路行都一路聞到好香。啲雞柳都炸得幾好食，調味好，有雞味。
十五穀飯
紅米飯同糙米飯就食得多啦，十五穀飯就第一次見，聽落好健康。食落都食到好多唔同種類嘅米粒，有好多唔同口感，幾正，我幾鍾意。更正嘅係佢上面有蘿蔔絲同埋魷魚絲做配菜，啲配菜有麻香味，好食。
關東煮
呢個真係主角啦，以為真係得四款餸，點知原來每款餸都有少少，加加埋埋都有唔少餸。我食到有白蘿蔔、北海道黃色薯仔、日本黑魔芋、雞蛋、年糕福袋、豆腐同埋墨魚丸。每樣材料都煮得好入味，特別係年糕福袋真係一咬落去就包關東煮嘅汁。不過最驚喜嘅都係北海道黃色薯仔，本身以為係一個普通嘅薯仔，點知一咬落去超甜，甜到好似番薯咁，但有好有薯仔嘅香味，呢個北海道黃色薯仔真係好正，我都係第一次食呢種薯仔。
芥末醬
仲有送一個特製嘅芥末醬，都幾香幾好食。
望落都唔知原來會食到咁飽，點知真係食到勁飽。有咁多材料真係幾抵食。有機會都會再嚟買。
張貼
