金泰子泰國餐廳

營業中

休息中

同朋友去咗位於太子嘅金泰子泰國餐廳，叫咗二人Ａ餐。首先嚟嘅係小食雙拼，有蝦餅同魚餅各３件，蝦餅好彈牙，魚餅口感軟腍，食落有陣香茅味，頗有特色。咖哩軟殼蟹一上檯就香噴噴，蟹身外脆內軟，咖哩汁惹味得嚟唔辣；個餐包埋薄餅，煎得香脆，點埋咖哩食好正好索味！馬拉盞炒通菜分量都幾多，辣辣地好香口，炒得夠鑊氣。最後上埋個甜品，係椰汁西米糕，清新爽口，入口即化，椰香味道馥郁。我哋另外叫咗個椰青，清甜多汁，解渴又開胃，係圓滿嘅一餐。總括而言，金泰子泰國餐廳嘅食物都幾出色，性價比極高。