影片
更多
2019-09-23
397 瀏覽
我應承過屋企人每個月食一次火鍋，今個月我做到啦！終於我們一行４人嚟到一鍋豐；座落旺角創興廣場，位於18樓，餐廳面積非常大，座位非常寬闊，比起其他火鍋店更加乾淨。我地㨂咗個鮑魚海鮮套餐，一黎包海鮮拼盤，二黎任簡食物選擇多！海鮮拼盤好大份，有鮑魚丶大扇貝丶帶子丶生蠔同東風螺，賣相吸引，味道鮮美，重點係好新鮮冇沙，爽口，東風螺都好大隻，大扇貝係最我鍾意嘅海鮮，好鮮甜，而且大大隻。每人$218竟然有咁豐富嘅海鮮食，絕對抵讚。我地就揀左鮮茄蜆湯，湯底都好多材料，蜆同蕃茄都足料，好鮮甜！除咗本身包既鮑魚海鮮之外，仲可以自己選擇好多材料，肉類方面，叫咗美國牛肩肉眼、美國三角肥牛、鮮滑牛肉、黑豚肉片、雞翼和豬頸肉，Ｄ肥牛牛味濃，油脂分布均勻；黑豚肉唔肥和滑牛肉非常嫩滑爽口；豬大腸完全唔肥和豬粉腸冇苦味，仲有order唔同丸類，自己就好鍾意墨魚滑、手打墨魚丸同蝦丸都不錯，因為我去好多火鍋店都冇手打丸類，值得一讚。雲吞是眾多餃中最好味，大大隻蝦肉，食了好幾隻，芝士豆腐很特別和重口味，還有脆口炸魚皮和魚皮餃也是我的最愛，仲有菜，響鈴，出前一丁都有得叫，仲要有好多甜品，可以喺雪糕櫃任選，我最喜歡紅豆雪糕，出面
我應承過屋企人每個月食一次火鍋，今個月我做到啦！終於我們一行４人嚟到一鍋豐；座落旺角創興廣場，位於18樓，餐廳面積非常大，座位非常寬闊，比起其他火鍋店更加乾淨。
我地㨂咗個鮑魚海鮮套餐，一黎包海鮮拼盤，二黎任簡食物選擇多！海鮮拼盤好大份，有鮑魚丶大扇貝丶帶子丶生蠔同東風螺，賣相吸引，味道鮮美，重點係好新鮮冇沙，爽口，東風螺都好大隻，大扇貝係最我鍾意嘅海鮮，好鮮甜，而且大大隻。每人$218竟然有咁豐富嘅海鮮食，絕對抵讚。
我地就揀左鮮茄蜆湯，湯底都好多材料，蜆同蕃茄都足料，好鮮甜！除咗本身包既鮑魚海鮮之外，仲可以自己選擇好多材料，肉類方面，叫咗美國牛肩肉眼、美國三角肥牛、鮮滑牛肉、黑豚肉片、雞翼和豬頸肉，Ｄ肥牛牛味濃，油脂分布均勻；黑豚肉唔肥和滑牛肉非常嫩滑爽口；豬大腸完全唔肥和豬粉腸冇苦味，仲有order唔同丸類，自己就好鍾意墨魚滑、手打墨魚丸同蝦丸都不錯，因為我去好多火鍋店都冇手打丸類，值得一讚。
雲吞是眾多餃中最好味，大大隻蝦肉，食了好幾隻，芝士豆腐很特別和重口味，還有脆口炸魚皮和魚皮餃也是我的最愛，仲有菜，響鈴，出前一丁都有得叫，仲要有好多甜品，可以喺雪糕櫃任選，我最喜歡紅豆雪糕，出面都未必食到。
整體黎講，餐廳環境舒適，食物質素良好，簡直物超所值。
張貼
