影片
更多
2015-11-08
1123 瀏覽
舊同學聚會，人越大越忙，越黎越難齊人，今日一行5人一齊聚舊食晚飯。Wing's kitchen位於尖沙咀既漆咸道南同寶勒巷既交界，紅磡站行過去10分鐘都唔洗，餐廳唔係好大，但係勝在環境舒適，仲有少少情調添。唔太大食既我地叫左個四人餐，有4個主菜，4個湯，一個大沙律，4杯飲品同4個甜品。沙律有3個選擇，我地叫左caesar salad，d 菜好新鮮，D 麵包糠都好脆，最欣賞既係佢地既沙律醬係分開上，自己鍾意落幾多就幾多。是日餐湯係蘑菇湯，蘑菇味好濃，唯一美中不足既係個湯唔夠熱，只係微暖，熱少少會更加好。蕃茄醬配雜錦海鮮意大利飯:份量唔係太多，不過意大利飯硬中帶軟，口感幾好，蕃茄味夠濃，海鮮份量都算多。大力水手薄餅:呢個pizza 其實係普通薄餅底加勁多芝士，菠菜，茄醬同埋兩隻半生熟雞蛋整食既，雞蛋整得有點兒過熟，流出黎既蛋汁比預期既少，芝士亦都落得過多，唔多好芝士既我就對呢個薄餅興趣唔大。蜜糖燒烤豬肋骨:上檯時已經聞到好香嘅炸薯條味，d薯條係英式厚切版，食落脆脆地咁，好好味。至於豬肋骨都整得幾入味，肉質算腍又唔會韌，個汁都幾好味又夠JUICY，不過骨就多過肉，食完好似未食過咁。軟殼蟹明太
唔太大食既我地叫左個四人餐，有4個主菜，4個湯，一個大沙律，4杯飲品同4個甜品。
沙律有3個選擇，我地叫左caesar salad，d 菜好新鮮，D 麵包糠都好脆，最欣賞既係佢地既沙律醬係分開上，自己鍾意落幾多就幾多。
是日餐湯係蘑菇湯，蘑菇味好濃，唯一美中不足既係個湯唔夠熱，只係微暖，熱少少會更加好。
蕃茄醬配雜錦海鮮意大利飯:份量唔係太多，不過意大利飯硬中帶軟，口感幾好，蕃茄味夠濃，海鮮份量都算多。
大力水手薄餅:呢個pizza 其實係普通薄餅底加勁多芝士，菠菜，茄醬同埋兩隻半生熟雞蛋整食既，雞蛋整得有點兒過熟，流出黎既蛋汁比預期既少，芝士亦都落得過多，唔多好芝士既我就對呢個薄餅興趣唔大。
蜜糖燒烤豬肋骨:上檯時已經聞到好香嘅炸薯條味，d薯條係英式厚切版，食落脆脆地咁，好好味。至於豬肋骨都整得幾入味，肉質算腍又唔會韌，個汁都幾好味又夠JUICY，不過骨就多過肉，食完好似未食過咁。
軟殼蟹明太子卡邦尼意粉:卡邦尼汁夠蛋味，不過芝士味重左少少，至於軟殼蟹整得夠脆，放係卡邦尼汁上面一段時間都唔會變淋。
甜品: 跟餐送既甜品係朱古力咖啡奶凍，呢個甜品朱古力味夠濃，口感同賣相都好好，好滿足。總括黎講呢到食物唔錯，又坐得耐，無限時，唔會話食完個半鐘就要轉場，用openrice coupon 仲有8折，真係幾抵食。
張貼
