意樂餐廳 (曼坊)

營業中

休息中

呢排天氣熱到一個點😬，喺街行到身水身汗，搵個地方坐下先☺️。咁啱附近有間意樂，食個午餐休息下先，其實呢個集團D裝修都係一式一樣，工業風，坐位之間都好濶落，坐得好舒服😊。今次order左個lunch龍蝦湯海鮮扁意粉 $65呢個龍蝦湯都好香濃，有少少蝦既鮮味喺湯底度，味道好啱我😋，都有D帶子，蝦，青口既海鮮，不過當然係急凍既，無咩味道😅。反而比較喜歡個扁意粉，吸收湯既精華，幾好食😍😍。另外蒜香豬扒滑蛋蓋飯 $54豬扒煎得幾香口，都鬆化既😉，蛋都好香滑，不過略嫌個汁太多。如果呢個價錢既西式餐廳，真係又多元化又坐得舒服，覺得相比起同一集團，另一間以茶餐廳食物為主既，意樂係出色好多😄。