大阪日本料理

營業中

休息中

呢排天氣逐漸轉涼，即刻諗起暖笠笠嘅牛肉鍋！🥘呢間隱世小店，應該住喺元朗嘅朋友仔就有可能食過。牛肉鍋加烏冬🥓一上枱見到咁多牛肉有少少興奮🤣牛肉嘅份量相信多到唔使食飯都夠飽！壽喜燒湯甜甜地幾好飲，啲烏冬吸晒湯汁👍🏻😋肥牛唔會太肥，不過有少少煮得耐咗，有兩三舊會比較硬身。不過味道係不錯的！相信無論配飯定係烏冬都會滿足！香辣炸雞拉麵🍜以一個套餐來講，炸雞份量都算唔少，炸到外皮好香脆，再點埋沙律醬，感覺會冇咁乾！不過食落冇咩辣味🤣拉麵就比較普通，湯底比較淡。呢一間小店有壽司，定食，其他不同小食選擇。價錢都好相宜，推薦大家可以一試！不過舖頭比較細，可能平時夜晚都要等位。