海港酒家

營業中

休息中

經過見到有間新開嘅酒樓，於是呢晚就決定入去試吓，入到去竟然見到全場爆滿，仲有好多人食海鮮，心諗應該無去錯地方。叫咗個例牌燒鵝，燒鵝熱辣辣，應該係剛剛燒起，例牌都有得食髀，真係覺得好幸運，燒鵝肉質偏瘦，味道較淡，但勝在熱辣辣搭夠，唔錯。另外，見附近有幾枱都叫咗籠仔糯米龍蝦蒸飯，又見 mark 咗係必食之選，所以就叫咗個嚟試吓。食落真係有驚喜，雖然龍蝦仔無乜肉，但啲糯米飯就吸晒啲龍蝦汁，飯中混有大頭菜、芋頭同紅棗，增加咬口之餘，亦令味道更豐富，而且糯米飯蒸得夠淋又唔油，食完唔會有un胃感覺。呢餐性價比好高，食物有水準，但價錢唔係貴，下次行開行埋都可以再幫襯。