馬宮主

營業中

休息中

朋友好鍾意食川菜，佢今日帶我去長沙灣一間菜館，餐廳主打正宗四川風味菜式，同樣有粵菜可選。因有多年川菜經驗師傅主理，味道零舍正宗，所以朋友時不時都會去開飯🤣。毛血旺 $169.- 用大碟盤上枱，份量大材料多，有大腸、百葉、鴨血、豆芽、萵筍、木耳及闊粉，味道麻辣鮮香😋，汁濃味足。霸王辣子雞 $129.-大量辣椒及花椒與雞粒一齊炒，味道麻辣，口感酥脆，惹味又香口。醬茶鴨 $99.-醬茶鴨做法正宗，鴨子醃製後，先熏後炸，口感皮脆肉滑，味道鹹香，仲有淡淡煙熏香氣🥰。金薯黑椒豬頸肉 $78.-豬頸肉質Q彈帶油香，薯仔粒表面炸得焦香，帶陣陣香甜蜜糖及黑椒香味，粵菜都好出色🥰。椒鹽魷魚 $129.-外層炸漿炸得香脆，選用新鮮魷魚😍，口感零舍彈牙，富有魷魚香味，混埋炸過嘅蒜蓉及辣椒粒，又一惹味未之選。紅糖糍粑 $59.-熱辣辣有非常香脆的糍粑，點上紅糖及黃豆粉一齊食，越食越想食😋。