影片
更多
2013-07-17
845 瀏覽
一早已經plan好，同陳生去完水口灣掘蜆後去小泰皇食泰菜。本身唔係好識點入去， 因為餐廳同東涌地鐵站有一段距離，好彩，上咗巴士沿途右手邊一見到小泰皇，即刻按掣落車。掘蜆掘咗成日手軟腳軟，不過一諗起酸酸辣辣嘅冬陰功湯，精神為之一振啊哈哈！我呢個plan係咪唔錯呢？由於去到時只係六點幾未到食飯時間，一去到有好多吉位，可以選擇坐戶外及室內，坐戶外有蚊，就算佢喺我櫈底放咗蚊香同埋提供蚊怕水比我，我未開餐就「被開餐」啦。頂唔順，入番室內。冬陰功：好好飲，酸酸辣辣，好重檸檬葉及香茅嘅味道，略嫌大蝦煮得有點老，老到有點發白。椰青：食泰國菜又點少得椰青呢？就算係飲一啖冬陰功再飲一啖椰青，都覺得好配合。而且飲完仲可以刮椰青肉當甜品。雙重享受，正！蒜蓉包：蒜蓉包要襯熱食，加埋牛油好香好脆。由於平時鍾意食翠華奶油豬，呢個蒜蓉包啱哂我口味啊！ =)鳳爪沙律： 一個字「辣」， 陳生推介嘅鳳爪沙律，鳳爪已去骨，食落爽口彈牙。不過對我嚟講太辣，食咗一啖要即刻飲啖椰青先降到溫。牛肉炒河：點解會點河粉係曾經去過chatuchak食超QQ河粉，呢個牛肉炒河令我好失望。一放上枱，反哂光好油好油，味道唔突出。雞肉串燒：估唔到
本身唔係好識點入去， 因為餐廳同東涌地鐵站有一段距離，
好彩，上咗巴士沿途右手邊一見到小泰皇，即刻按掣落車。
掘蜆掘咗成日手軟腳軟，不過一諗起酸酸辣辣嘅冬陰功湯，精神為之一振啊哈哈！
我呢個plan係咪唔錯呢？
由於去到時只係六點幾未到食飯時間，一去到有好多吉位，可以選擇坐戶外及室內，坐戶外有蚊，
就算佢喺我櫈底放咗蚊香同埋提供蚊怕水比我，我未開餐就「被開餐」啦。
頂唔順，入番室內。
冬陰功：好好飲，酸酸辣辣，好重檸檬葉及香茅嘅味道，略嫌大蝦煮得有點老，老到有點發白。
椰青：食泰國菜又點少得椰青呢？就算係飲一啖冬陰功再飲一啖椰青，都覺得好配合。
而且飲完仲可以刮椰青肉當甜品。雙重享受，正！
蒜蓉包：蒜蓉包要襯熱食，加埋牛油好香好脆。由於平時鍾意食翠華奶油豬，
呢個蒜蓉包啱哂我口味啊！ =)
鳳爪沙律：一個字「辣」， 陳生推介嘅鳳爪沙律，鳳爪已去骨，食落爽口彈牙。
不過對我嚟講太辣，食咗一啖要即刻飲啖椰青先降到溫。
牛肉炒河：點解會點河粉係曾經去過chatuchak食超QQ河粉，呢個牛肉炒河令我好失望。
一放上枱，反哂光好油好油，味道唔突出。
雞肉串燒：估唔到有5串咁多，好好肉地，好juicy =P
不過個汁唔夠元朗「串皇」惹味。
今餐食到好飽啊！
唯一唔開心係食唔到泰式生蝦，menu上係冇呢個菜式，
因為衛生問題，如果要食，就須要預早打電話落order book嗱！
題外話/補充資料：
（1）waitress都係泰國人，室內的擺設同埋蘭花､泰皇畫，令成件事好泰國feel !!
（2）得一個大厠所，幾企理，去得安心。
（3）餐廳仲有專車VAN送客人到東涌地鐵站，咁就唔駛擔心點樣搭車出番去啦 =)
(以上食評乃用戶個人意見 , 並不代表OpenRice之觀點。)
張貼
