羅勇泰國粉麵 (已結業)

餐廳係厚福街地舖，藍白色的門牌很注目，店內裝修簡潔。我地點了什綿湯河、海南雞飯、青咖喱軟殼蟹、炸米餅同埋兩杯青檸紅茶。什綿湯河店員介紹湯底用好多種材料熬成，完全冇落味精，仲教我地先喝啖湯再食河粉，然後可以試落醋、辣汁、辣椒粉同埋糖，湯會變成完全不同的感覺。我地跟著照做，果然不錯，有少少好似肉骨茶嘅味道。湯河是闊身的泰國河粉，都幾滑，材料都很多，有牛丸、墨魚丸、魚旦、魚片、扎肉、炸豬皮同埋好多爽口芽菜。海南雞飯個薑蓉醬有辣有唔辣，我哋揀左辣，都幾惹味。雞肉有好多件，油飯分量亦大，都幾抵食。跟飯還有碗椰子雞湯，都幾有驚喜，雖然係雞湯，但都幾清唔油，有椰子香味，飲得到冇落味精。青咖喱軟殼蟹配炸米餅青咖喱原本有跟碗飯，但我哋驚太飽，就轉左要炸米餅。青咖喱辣度啱啱好，茄子軟滑，吸哂青咖喱汁，好惹味。主角軟殻蟹算大隻，見到有完整一隻，平時食到嘅通常都有層厚炸粉，呢度就唔同，冇厚粉，所以不肥膩，食到啖啖蟹肉，正。炸米餅亦都好乾身香脆，用黎沾咖喱汁食一流，完部材料擺在上面食都好正。