小曼谷泰國美食 (教育路)

營業中

休息中

呢間九龍城人氣泰國菜餐館嘅分店上次入元朗已經食過，今次再戰，食物keep到大件夾抵食。𖦹 風味豬頸肉 配 無骨海南雞油飯 $75海南雞肥瘦適中，豬頸肉脆口，配上香口嘅油飯，一次過滿足兩個願望。𖦹 小曼谷炒米粉 $108望落同星洲炒米有80% similarity，用上幼身爽口嘅米粉，配料豐富，有蝦、扎肉粒同埋豬頸肉粒，係加埋蟹柳有啲random。𖦹 串燒雞＋豬 $29 跟餐加少少錢就有小食，今次試串燒，雞同豬各有一串。兩串嘅口感都唔錯，雞嘅肉質再嫩啲。最欣賞個沙嗲醬，入面有粗粒花生，花生味濃郁。𖦹 椰青 $49 上次喺度已經飲過，今次水準依然，清甜又解渴，食埋入面啲椰子肉easy。𖦹 泰式龍眼冰 跟餐唔洗加錢，龍眼肉清甜有口感。𖦹 泰式馬拉盞炒通菜 $98 欣賞有得揀少油少鹽，通菜爽口新鮮，非常惹味。