影片
更多
2021-10-13
62 瀏覽
咁近屋企要朝聖！好耐已經冇食過啲平價嘅港女下午茶🫖最近喺網上面成日睇到呢間嘅宣傳，吸引咗我同朋友去試。唔知係咪因為星期日嘅關係，佢三點開始嘅下午茶我去到嘅時候門口已經好多人，3點20分佢已經貼張紙出嚟話冇晒下午茶，所以記得一定要預訂。我哋今次醒目訂咗，所以入到去先仲有，如果唔係就會好失望。但遺憾嘅係我掉轉咗黎影。英式二人下午茶 $208我覺得呢個下午茶我幾滿意，因為無論鹹點定係甜點樣樣我都啱食，再加上平時下午茶嘅甜點多數會因為太甜食唔晒，但佢嘅甜點絕對唔會好似平時嘅下午茶咁甜，呢樣值得加分。🥰🥰🥰🥰第一層：scone配士多啤梨醬第二層：柚子蛋糕，檸檬蛋糕，朱古力蛋糕，咖啡蛋糕，全部都唔甜，連朱古力都係黑朱古力，對佢嘅甜品好滿意。第三層：大蝦薯仔沙律，魚柳薯條，酥皮批玫瑰洛神花茶我想講平時花茶我覺得影相已經好靚，佢仲要有埋個架，成件事好高貴，最緊要係粉紅色嘅雲石紋，超鍾意雲石紋嘅我好想拎走佢套餐具。再加上唔知點解我覺得佢嘅花茶特別和暖，唔似平時就算點左蠟燭都唔夠熱咁，所以就算放咗一陣傾一陣計啲花茶都仲可以係熱嘅我覺得好好。是日精選意粉 $48當日嘅精選意粉係吞拿魚意粉，朋友表示佢好香，我
好耐已經冇食過啲平價嘅港女下午茶🫖
最近喺網上面成日睇到呢間嘅宣傳，吸引咗我同朋友去試。
唔知係咪因為星期日嘅關係，佢三點開始嘅下午茶我去到嘅時候門口已經好多人，3點20分佢已經貼張紙出嚟話冇晒下午茶，所以記得一定要預訂。我哋今次醒目訂咗，所以入到去先仲有，如果唔係就會好失望。但遺憾嘅係我掉轉咗黎影。
英式二人下午茶 $208
我覺得呢個下午茶我幾滿意，因為無論鹹點定係甜點樣樣我都啱食，再加上平時下午茶嘅甜點多數會因為太甜食唔晒，但佢嘅甜點絕對唔會好似平時嘅下午茶咁甜，呢樣值得加分。🥰🥰🥰🥰
第一層：scone配士多啤梨醬
第二層：柚子蛋糕，檸檬蛋糕，朱古力蛋糕，咖啡蛋糕，全部都唔甜，連朱古力都係黑朱古力，對佢嘅甜品好滿意。
第三層：大蝦薯仔沙律，魚柳薯條，酥皮批
玫瑰洛神花茶
我想講平時花茶我覺得影相已經好靚，佢仲要有埋個架，成件事好高貴，最緊要係粉紅色嘅雲石紋，超鍾意雲石紋嘅我好想拎走佢套餐具。再加上唔知點解我覺得佢嘅花茶特別和暖，唔似平時就算點左蠟燭都唔夠熱咁，所以就算放咗一陣傾一陣計啲花茶都仲可以係熱嘅我覺得好好。
是日精選意粉 $48
當日嘅精選意粉係吞拿魚意粉，朋友表示佢好香，我都覺得佢唔會太膩幾好
薯仔沙律配英式紐倫堡腸 $45
唔知點解呢啲嘅腸去到邊度食都係比較貴，但佢味道係真係好食過腸仔嘅，配埋薯仔沙律好邪惡。
花花世界 +$25
見佢啲嘢飲之前喺網上面睇都幾靚，就諗住拎嚟打卡，佢係芒果味嘅嘢飲，飲落去都幾清新。
火燒雲霞 +$25
我份人鍾意啲特別野，其實佢係有火龍果喺裏面，再加七喜同埋芬達。冇諗過火龍果同汽水都夾到，而且佢真係好多火龍果，飲完呢杯包保去到廁所。
唔想撲空嘅人記得真係提前預留下午茶，佢限定供應，而且因為平好多人去食，所以記得記得預訂。
張貼
