Yay! 尋香雞 (已結業)

朋友介紹九龍城開左間新店有丼飯同大阪燒好抵食，所以今日都專登過來買外賣試吓。店舖主打外賣坐位不多，以黃白色做主調行簡約風格，感覺非常美觀舒適。Menu除左丼、大阪燒，仲有關西炒麵同日式蛋蓋飯，都係$50～$60，價錢非常親民！我哋叫左一個丼飯一個大阪燒，質素味道都唔錯，以咁平嘅價錢有咁嘅質素絕對係超出預期！蟹肉蟹膏飯 $60整個丼飯都鋪滿左蟹柳肉😍，下面有一層厚厚嘅蟹膏🦀（我最愛🤤），飯用上左珍珠米口感煙韌🍚。再配上適量嘅沙律醬同醃蘿蔔，攪拌後一起食口味層次豐富。份量都足夠男士都一樣夠飽。鰻魚大阪燒 $60本來點左明太子章魚大阪燒，但章魚售罄，試吓鰻魚都唔錯。鰻魚沾上左滿滿嘅大阪燒醬，比起鰻魚醬多了一份醋味，和大阪燒非常配合，而且口感Q彈，$60 價錢竟然有鰻魚食真係好抵。大阪燒有大量椰菜，口感爽口清新。粉漿比較濃稠，口感有少許似文字燒，加上大量嘅大阪燒醬，味道非常豐富。總結：價錢親民，味道和質素都有水準，係不錯嘅外賣選擇。下次要試埋佢嘅炒麵同蛋蓋飯！