影片
更多
2022-12-06
835 瀏覽
抵食米芝蓮中菜🤩|必食明爐蜜汁叉燒🤤|推薦芝士蟹肉焗釀蟹蓋🦀|逸東軒「你寵愛父母親，我為良朋憐憫，怎算是個好人」逸東軒位於佐敦嘅逸東酒店地下，酒店嘅普慶餐廳出名Buffet款式多元化而聞名，而逸東軒多年榮獲米芝連一星更係品質肯定，而且官網不時都有推出優惠，無論同親朋友好友飲茶或者晚飯小菜都非常高性價比，大時大節慶祝更係一位難求。今次咁啱見官網有晚市優惠就嚟食過返尋味。-馳名燒味雙輝-蜜汁叉燒&脆皮燒腩仔 4.4/5⭐️每次食中菜，叉燒係必點嚟試嘅菜式，咁啱逸東軒嘅叉燒都遠近馳名，燒味雙拼上枱燒腩仔同叉燒都排得好整齊，叉燒色澤亮麗兼且厚切，肥瘦適中不在話中，食落啖啖肉而且入口軟稔兼且有肉味完全唔鞋口，不愧係招牌菜推薦之一。另一邊嘅脆皮燒腩仔切到一口Size方便入口，皮脆肉嫩，調味亦都恰到好處，兩款燒味都非常高質，係每次都必點嘅推薦。-芝士蟹肉焗釀蟹蓋 4.1/5⭐️傳統星級米芝連都會有依道蟹肉焗釀蟹蓋，逸東軒就選擇用芝士焗，蟹蓋上枱金黃帶芝士焦脆，非常吸引，食落理所當然嘅啖啖蟹肉，非常滿足，但略嫌芝士搶咗蟹肉嘅鮮甜味，個人稍稍扣分。-蒜蓉粉絲蒸蟶子皇 3.9/5⭐️蝗子皇用料新鮮，蒜蓉粉絲蒸亦
必食明爐蜜汁叉燒🤤|
推薦芝士蟹肉焗釀蟹蓋🦀|
逸東軒
「你寵愛父母親，我為良朋憐憫，怎算是個好人」
逸東軒位於佐敦嘅逸東酒店地下，酒店嘅普慶餐廳出名Buffet款式多元化而聞名，而逸東軒多年榮獲米芝連一星更係品質肯定，而且官網不時都有推出優惠，無論同親朋友好友飲茶或者晚飯小菜都非常高性價比，大時大節慶祝更係一位難求。今次咁啱見官網有晚市優惠就嚟食過返尋味。
-馳名燒味雙輝-蜜汁叉燒&脆皮燒腩仔 4.4/5⭐️
每次食中菜，叉燒係必點嚟試嘅菜式，咁啱逸東軒嘅叉燒都遠近馳名，燒味雙拼上枱燒腩仔同叉燒都排得好整齊，叉燒色澤亮麗兼且厚切，肥瘦適中不在話中，食落啖啖肉而且入口軟稔兼且有肉味完全唔鞋口，不愧係招牌菜推薦之一。另一邊嘅脆皮燒腩仔切到一口Size方便入口，皮脆肉嫩，調味亦都恰到好處，兩款燒味都非常高質，係每次都必點嘅推薦。
馳名燒味雙輝
20 瀏覽
0 讚好
0 留言
-芝士蟹肉焗釀蟹蓋 4.1/5⭐️
傳統星級米芝連都會有依道蟹肉焗釀蟹蓋，逸東軒就選擇用芝士焗，蟹蓋上枱金黃帶芝士焦脆，非常吸引，食落理所當然嘅啖啖蟹肉，非常滿足，但略嫌芝士搶咗蟹肉嘅鮮甜味，個人稍稍扣分。
芝士蟹肉焗釀蟹蓋
32 瀏覽
0 讚好
0 留言
-蒜蓉粉絲蒸蟶子皇 3.9/5⭐️
蝗子皇用料新鮮，蒜蓉粉絲蒸亦非常穩陣，蟶子鮮甜爽口彈牙，但唔算有太大驚喜，正常水準發揮。
-冬瓜盅 4.1/5⭐️
侍應會將冬瓜盅另外幫我地分上，大概有6碗嘅份量，材料豐富，味道鮮甜，作為間場中和一下之前菜式嘅油膩感都係非常唔錯。
-砂窩薑蔥乳香鱈魚 4.1/5⭐️
砂窩上枱仲係冒住絲絲白煙，新鮮出爐，餐廳將鱈魚切粒再包裹炸粉處理，外脆內嫩，魚肉又入口即溶，但係伴以甜酸醬就令鱈魚粒食多幾舊之後就有少少油膩感，稍稍扣分。
-糖水
蛋白杏仁茶湯圓 4/5⭐️
杏仁茶香滑又濃味，加埋湯丸作結，令人非常滿足，唔抗拒杏仁茶味朋友推薦一試。
楊枝甘露 4.1/5⭐️
楊枝甘露好重椰芒味，而且夠凍，中和番前面菜式嘅油膩感，作為依餐嘅尾聲都非常唔錯。
紅棗雪耳萬壽果 3.9/5⭐️
好滋潤，亦可以清到油膩感，但無太大特色，正常水準發揮。
–
總結:逸東軒作為老牌嘅酒店中菜廳，榮獲多年嘅米芝連一星殊榮，而且酒店亦不時推出優惠，性價比好高，可以令大家大飽口福，非常推薦想同屋企人慶祝食中菜嘅朋友，不過稍稍扣分就係餐廳侍應人手似乎不足，多次幫襯亦發現侍應非常忙碌甚至唔見人影嘅情況，而且有時幫襯飲茶亦有漏單情況，不過侍應知悉後都立即妥善處理。
====
逸東軒 佐敦)
📍佐敦彌敦道380號香港逸東酒店B2樓層
====
#逸東軒#Jordanfood#佐敦美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食#米芝連#精緻點心#叉燒燒肉
有興趣睇更多好西推介，或者大家有好西Share，請大家Follow下我IG，比D支持✨：@healoop.foodie
張貼
