新興發點心

營業中

休息中

今日路經西環，剛好午膳時間，甘我就周圍搵嘢食，見到間點心店就走左入去食嘞。點心選擇多，而且價錢便宜，我估佢地做街坊生意，所以價格無甘進取。茶錢只是五蚊，抵！蟹籽燒賣，大大粒，蟹籽多，蝦肉爽口大件，豬肉肉香，夠彈口。山竹牛肉，啤水度適中，有肉味，內有馬蹄爽口，整體組合好食。春風得意腸，質素高，內裡的油炸鬼上碟時還是脆的，證明即叫即整。而且粉腸內的料很多，鮮蝦份量不偷工減料，高水準之作。提外話，好少春風得意腸的粉皮會厚身甘足料，好多人以為薄身為佳，但其厚身才能吸收足夠的腸粉鼓油，腸粉才好食。總結：食物整體質素佳，即叫即蒸，點心夠熱，落料足，不偷工減料。而且我非常欣賞佢地服務 殷勤，自動加水，對食客又有禮貌。