七月餐室 (已結業)

呢日同屋企人去左九龍灣呢間茶餐廳食lunch，餐廳都幾大間，坐得好舒服。打開餐牌，見到啲嘢食好抵食，而且選擇有多。我地一人點左一個餐，分別係泰皇咕嚕肉飯同埋時菜海鮮炒河粉，啲野食份量好夠，勁抵食！咕嚕肉飯方面，啲醬汁酸酸甜甜，好開胃。肉既口感幾結實，仲有菠蘿、三色椒等配菜，好足料。炒河粉係濕炒，入面有好多唔同既海鮮，包括有蝦、魷魚、蜆等等，仲有大大棵既菜，夠哂健康。飲品方面，點左紅豆冰同埋雜果賓治，最後再叫多杯熱奶茶。