燒肉ONE

營業中

休息中

近排勁多朋友去日本，見好多人地既日本燒肉相，自己都好掛住。 搞到一有時間，就即刻約人都食下日式燒烤。 今日朋友帶我黎銅鑼灣呢間燒肉one食。 一定要早少少黎，因為晏啲就會好多人。 佢好抵食，有啲下午茶時段半價，仲有野飲優惠，真係食得好開心。 今日坐底，大家都話要勁食牛肉。 本人覺得佢既定食係抵啲既，成個set有一份肉，飯，野飲同配菜。 不過因為我地想食肉為主，就散叫。牛頸脊同牛板腱原來都幾野火，睇落唔係好肥，但燒落好有質感。 而佢地既肉好在燒多陣都唔會好硬，肉質香又稔，我覺得幾新鮮。 日本A4和牛三角肉同澳洲安格斯肉眼都幾厚, 起碼唔會係入口即溶個隻，有嚼口。 澳洲M2西冷扒有成塊比你，都算多。 而我地冇要飯，叫左生菜自已包肉食，韓式食真係好正。 而生菜都夠大塊同新鮮，真係不容錯過呀。暫時去唔到日本既朋友，真你可不妨一試。