WM Café & Bar (海之戀商場)

營業中

休息中

專登嚟呢個商場去Donki買嘢，發現呢間新分店，Lunch同大埔嗰間一樣咁抵食，而且環境同座位闊落同舒服好多！所有午餐都包左飲品同餐湯，仲可以揀龍蝦湯添。香煎牛柳扒配意粉，牛柳非常之軟腍，易切易咬，仲保留有少少肉汁，幾十蚊有個靚扒意粉。平價之餘，伴菜都唔馬虎，呢d咪誠意囉，用colorful 蔬菜做伴碟，令個餐營養均衡d，成本又唔多，但賣相就靚好多。All day breakfast 配牛角穌，牛角酥成個碟咁大個，又整得幾好食，又香又穌軟。賣相得體，好豐富，有香草腸、煎雞蛋、煙肉、烤大啡菇、烤蕃茄、沙律菜等等。絕對係一個大男人都食得飽嘅早餐😝。仲可以追加小食，三隻雞翼$18 ，價錢中等，味道非常惹味香口，唔錯！如果要特飲嘅話都係10幾蚊，例如凍Mocha，水準唔差，睇個樣都好吸引呢。