平昌

營業中

休息中

估唔到樂富都有一間咁高質嘅韓燒放題，我今次就去咗平昌食韓燒。佢有一個世子餐任食，佢嘅世子餐居然可以任食醬油蟹，醬油蝦，石蠔等等嘢食，真係好正。平時出去食一個醬油蝦都要百幾蚊，依家就可以慢慢任食，真係勁開心！個人覺得醬油蟹嘅醬油，味道偏重。反而醬油蝦更加好食。其他嘢食都好好食，我特別鍾意佢嘅水冷麵，佢嘅水冷麵湯底清清甜甜，好好味，而麵質都煙煙韌韌。另外佢亦都有唔同嘅串燒同肉類，連西冷都有，勁大塊嘅西冷一上枱，真係勁吸引。而整體環境都闊落，張凳可以用來做儲物，然後飲品選擇都多，有汽水，水同酒。