河內越式料理 (西洋菜南街)

營業中

休息中

喺太子西洋菜南街有間食肆好多人幫襯，食客不斷，相信食品質素一定有保證，於是同阿姨試一試。我點咗個順化蕃茄蟹肉扎肉湯檬，大量鮮蕃茄令到湯底好香濃，檬粉嘅份量頗多，好大碗，配埋蟹肉及扎肉一齊食好滿足。阿姨喜歡河內生熟牛肉湯河粉，生熟牛肉兩種口味，互相配合，鍾意牛肉嘅朋友一定啱食，濃香牛肉湯底，滑溜嘅河粉，一定冇得彈。我地仲叫咗一個越式炸春卷，裏面餡料好簡單，係米粉、紅蘿蔔及雲耳 ，但蘸上大量魚露後，鬆化香口又夠脆。再加一個越式豬頸肉，份量雖然較少，但外皮極為酥香，肉質彈牙，有咬口，好食。跟餐叫咗飲品係鮮芒果西米露，上面鋪滿新鮮芒果肉，香甜美味，裏面充滿粒粒軟滑嘅西米，每一口都好滋味 。阿姨試咗個羅望子冰，漸變淺啡色顏色好靚，飲落微酸微甜，非常消暑，好醒胃。其實餐牌仲有好多越式美食，惟有約多幾個朋友下次再嚟。