合豐車仔麵

營業中

休息中

星期六同朋友係馬道圍道銀行辦完事後，在附近呢間車仔麵覓食，除咗車仔麵外，仲有客飯食。我點蘿蔔、冬菇、牛肚、牛柏葉、魷魚米粉麻辣小辣：蘿蔔切得剛好，方便一口咬食，炆得入味非常清甜沒有渣，俾左一件朋友食都讚不絕口，話有鄉下風味。蠔油冬菇都炆得入味好好食，係我鐘意食細細粒冬菇。朋友點酸菜魚飯$45：之前食開酸菜魚都係黃綠色湯底，呢碗帶點橙紅色，應該係加左蕃茄落去增添酸甜味，加上芫茜辣辣，湯底酸辣開胃！魚片份量不少，沒有骨，肉質嫰滑。麻辣豬腸+韮菜豬紅雙拼：豬腸肥美，中間保持白色脂肪。豬紅軟腍，韮菜新鮮。蠔油生菜$15：嫰綠爽口麻辣牛肚+咖喱魷魚雙拼：見牛肚同魷魚都幾好食，於是叫碟雙拼俾朋友食下。牛肚有嚼口，咖喱魷魚彈牙入味。朋友點凍咖啡夠醒神，我點凍奶茶香滑甜度適中。