影片
更多
2019-01-11
4459 瀏覽
星期日同屋企人去開元朗行街，買下野，入到去都12 點幾，又未食早餐，梗係醫好肚先，屋企人就帶我去左間佢話好抵食既放題，呢度位置唔顯眼，唔係屋企人帶我嚟真係未必識嚟，不過落到地庫既餐廳又別有洞天，地方闊落，坐位又多！餐廳用點心紙形式落單，估唔到選擇勁多，超過10張唔同款式既種類，有刺身，壽司，扒類，甜品，飲品，天婦羅，火鍋。。。等，多到數唔晒！點完野食，就出去自助區睇下有咩食！估唔到又係選擇咁多，怪唔得屋企人會咁推介，沙律吧有新鮮沙律菜，8 爪魚仔，螺肉等選擇！雪條甜品擺滿兩個雪櫃，雪條都係嚟自韓國既品種，我見過超市買一條都要$10 以上嗰d款，真係好有誠意！仲有軟雪糕機，有勁多配料選擇，例如唔同味既朱古力醬，同糖粒，可以自定配料！整返杯啱心水既雪糕食，飲品擺滿3 個雪櫃，啤酒汽水果汁選擇多多！最令人窩心既係天寒地凍可以有熱飲供應，仲要有維他朱古力奶揀，朱古力奶平時賣$6-8 /包，飲多兩包都回本了，可見真係好抵食！擺得靚靚既刺身好快送到嚟，都幾新鮮肥美，肥美厚切既三文魚都幾鮮甜！ 甜蝦大大隻，帶子都唔會就住，大大片供應，我哋總共食左幾轉都無問題，真係抵返晒！壽司就真係抵讚，選擇多，質素
餐廳用點心紙形式落單，估唔到選擇勁多，超過10張唔同款式既種類，有刺身，壽司，扒類，甜品，飲品，天婦羅，火鍋。。。等，多到數唔晒！
點完野食，就出去自助區睇下有咩食！估唔到又係選擇咁多，怪唔得屋企人會咁推介，沙律吧有新鮮沙律菜，8 爪魚仔，螺肉等選擇！
雪條甜品擺滿兩個雪櫃，雪條都係嚟自韓國既品種，我見過超市買一條都要$10 以上嗰d款，真係好有誠意！
仲有軟雪糕機，有勁多配料選擇，例如唔同味既朱古力醬，同糖粒，可以自定配料！整返杯啱心水既雪糕食，飲品擺滿3 個雪櫃，啤酒汽水果汁選擇多多！
最令人窩心既係天寒地凍可以有熱飲供應，仲要有維他朱古力奶揀，朱古力奶平時賣$6-8 /包，飲多兩包都回本了，可見真係好抵食！
擺得靚靚既刺身好快送到嚟，都幾新鮮肥美，肥美厚切既三文魚都幾鮮甜！ 甜蝦大大隻，帶子都唔會就住，大大片供應，我哋總共食左幾轉都無問題，真係抵返晒！
壽司就真係抵讚，選擇多，質素唔錯，重點係肉大飯少，食多兩件都無問題！
至於熟食都係同樣出色尤其兩樣熱辣辣既鐵板小炒，真係鑊氣十足，先嚟既係鐵板牛脷，辣辣地幾有咬口！
再嚟係一口牛柳，蒜香味十足，牛肉肉汁豐富！
除左鐵板小炒外，仲有肥美多汁既清酒煮蜆都係唔錯！
最後必食既皮薄餡靚天婦羅，賣相唔錯，唔油膩，炸粉做得幾薄，又幾脆，必食推介！
午市168嚟講真係好抵食，選擇又多，去開元朗真係要再嚟幫襯下！
張貼
