佐禾町居食屋

營業中

休息中

經常午飯和同事一起過嚟食，定食大約都係$80~$110，食物分量足，新鮮，出餐速度快，適合得一小時的午飯時間段食用，本人最鍾意食刺身定食，100蚊真係抵到爛，講真而家100蚊到食到刺身仲要包埋醋飯，嗰一刻真係覺得好幸福，仲要新鮮，分量足，啲wasabi又唔會係嗰啲細細包，要自己慢慢唧出嚟個啲國內生產嘅嗰啲wasabi，$150內令人好滿意的日本餐廳，除咗呢間我真係暫時諗唔到有第二間，純粹個人意見，另外lunch冇加一，除咗刺身本身主菜之外，仲有配菜，嗰塊豆腐真係冇得頂，我覺得好適合減肥中嘅人士食，因為澱粉質少，同埋糖份鹽份在他們提供的食品中亦應該少見到，同區100蚊左右嘅餐廳又要抵食又要好味又要食得健康，食得放心，又唔會覺得自己奶咗嘢嘅餐廳，personally highly recommend this one 👍當初第一次聽同事建議幫襯，就係因為同區好難搵到相對比較健康啲嘅餐廳，幫襯咗第一次之後真係十分驚喜，已經幫襯咗好多次，因此忍唔住在好得閒的情況下就忍唔住寫咗呢一篇食評！