影片
更多
2022-02-04
295 瀏覽
撇低狗狗，出咗荃灣搵嘢食。本來好鐘意鱟地坊的一間拉麵店，但冇食一排竟然執咗，唯有隨便喺附近搵個地方開餐。商場入面，間間餐廳的消費都唔低，當我同狗狗爸爸經過Itamama，對比之下，呢間餐廳的食物價格就相宜得多，而且佢提供唔少餐飲選擇，咁就呢間啦！餐廳的裝潢幾有特色，工業風，餐檯之間距離闊落，仲有唔少卡位。不過，望落似曾相識，餐廳裝修同「鬍鬚佬餐廳」 意樂有幾分接近。點咗1個下午茶餐同1個午餐。下午茶餐係黑松露炒蛋Bagel配薯條，免費跟餐湯或熱飲，而我就揀咗蘑菇忌廉湯。午餐就嗌咗雞扒蛋蓋飯配黑椒汁，跟餐加$10點咗凍奶蓋朱古力。呢度的下午茶都幾抵食，一嚟有Bagel比較特別，而且價錢唔貴，只係$41，再者而家適逢農曆新年，餐廳依然提供下茶餐，仲要下晝2點已開始供應。我哋坐低之後都陸續見到唔少顧客入嚟幫襯。黑松露炒蛋Bagel配薯條：個Bagel外脆內軟，仲幾飽肚；食到炒蛋裡面的黑松露味道；薯條粗身，炸得香脆。呢個下午茶餐雖然唔算好大份，但就幾精緻！蘑菇忌廉湯細細碗，湯入面有攪拌後的蘑菇粒粒，味道唔錯。雞扒蛋蓋飯的黑椒汁有少少辣，黑胡椒味重，幾惹味。蛋的份量頗大，估計有2-3隻炒蛋，啲蛋
商場入面，間間餐廳的消費都唔低，當我同狗狗爸爸經過Itamama，對比之下，呢間餐廳的食物價格就相宜得多，而且佢提供唔少餐飲選擇，咁就呢間啦！
餐廳的裝潢幾有特色，工業風，餐檯之間距離闊落，仲有唔少卡位。不過，望落似曾相識，餐廳裝修同「鬍鬚佬餐廳」 意樂有幾分接近。
點咗1個下午茶餐同1個午餐。下午茶餐係黑松露炒蛋Bagel配薯條，免費跟餐湯或熱飲，而我就揀咗蘑菇忌廉湯。午餐就嗌咗雞扒蛋蓋飯配黑椒汁，跟餐加$10點咗凍奶蓋朱古力。呢度的下午茶都幾抵食，一嚟有Bagel比較特別，而且價錢唔貴，只係$41，再者而家適逢農曆新年，餐廳依然提供下茶餐，仲要下晝2點已開始供應。我哋坐低之後都陸續見到唔少顧客入嚟幫襯。
黑松露炒蛋Bagel配薯條：個Bagel外脆內軟，仲幾飽肚；食到炒蛋裡面的黑松露味道；薯條粗身，炸得香脆。呢個下午茶餐雖然唔算好大份，但就幾精緻！蘑菇忌廉湯細細碗，湯入面有攪拌後的蘑菇粒粒，味道唔錯。
雞扒蛋蓋飯的黑椒汁有少少辣，黑胡椒味重，幾惹味。蛋的份量頗大，估計有2-3隻炒蛋，啲蛋完全覆蓋碟上面的飯。雞扒細塊咗啲，但勝在香脆有雞味。以$61的價錢，能夠喺商場的餐廳坐得舒舒服服咁食到個午餐，都算係咁喇。凍奶蓋朱古力夠朱古力味，但就比較甜，而奶蓋佔咗1/3有多，雖然嘗試過將朱古力同奶蓋攪勻，不過因為奶蓋係泡沫，兩者好難混合，所以飲完杯裡面的朱古力後，為免成肚氣，都無辦法吞埋啲奶蓋泡沫。論份量，呢杯凍朱古力實際上係幾少架。
食嘢的時候，突然抬頭望到一個細招牌，寫住Itamama，隔離有個細啲的中文字「意樂」。原來，呢間真係意樂嚟！可能我孤陋寡聞，原來意樂除咗以鬍鬚叔叔做招牌，仲有佢自己的「副線」。店入面除咗呢塊招牌好低調咁提到意樂外，其他細節位都只有Itamama的字樣~~
張貼