影片
更多
2016-02-06
1390 瀏覽
中村藤吉始於1854年的京都抹茶老字號～進駐香港適逢港女近年中晒抹茶毒，一個二個平日等人等幾個字都扁晒咀（或者變晒樣 xD）但為了佢～甘心乖乖等～又等～不是講笑 以小時計算的等等等…你話港女為食可以去到幾盡 哈哈早到有著數：中村設有派籌等位，唔洗個個企晒係門口排排等。攞左飛可以落去行下，上面有QR code，可以隨時嘟下睇下而家叫到幾多號，老實講真的幾貼心。不過我地太遲，籌已派完。剛好排係完籌後第二個，星期五又無咩事做，一於等就等這家抹茶老店，甜品店計應該都算 入門貴婦級隨便一款都接近百元，加上熱茶要收茶位費（三人行收了HKD 30, 應該是HKD 10 一位？）但連茶壺、杯、熱度、味道都不馬虎～愛喝茶的人表示這10元都值得甜品 配 熱茶是絕配呀！！！！♡價錢偏貴少少，不過尖沙咀高空兩面落地玻璃窗：靚景加上服務態度同環境都計在內這個價錢都算值，食物不是超有驚喜，但細節都做得幾好味道很不錯，抹茶控更加絕對要光顧一次～大滿足！！！三個人叫了三樣甜品．京之精選．抹茶&焙茶冰．抹茶啫喱▲京之精選HKD 98返兜指數：3.5 / 5因為排隊排到餓餓地，見個樣幾飽肚又豐富，就點來試試的確很豐富，4
始於1854年的京都抹茶老字號～進駐香港適逢港女近年中晒抹茶毒，一個二個平日等人等幾個字都扁晒咀（或者變晒樣 xD）
但為了佢～甘心乖乖等～又等～不是講笑 以小時計算的等等等…
你話港女為食可以去到幾盡 哈哈
早到有著數：
中村設有派籌等位，唔洗個個企晒係門口排排等。攞左飛可以落去行下，上面有QR code，可以隨時嘟下睇下而家叫到幾多號，老實講真的幾貼心。不過我地太遲，籌已派完。剛好排係完籌後第二個，星期五又無咩事做，一於等就等
這家抹茶老店，甜品店計應該都算 入門貴婦級
隨便一款都接近百元，加上熱茶要收茶位費（三人行收了HKD 30, 應該是HKD 10 一位？）
但連茶壺、杯、熱度、味道都不馬虎～愛喝茶的人表示這10元都值得
甜品 配 熱茶是絕配呀！！！！♡
價錢偏貴少少，不過尖沙咀高空兩面落地玻璃窗：靚景加上服務態度同環境都計在內
這個價錢都算值，食物不是超有驚喜，但細節都做得幾好
味道很不錯，抹茶控更加絕對要光顧一次～大滿足！！！
三個人叫了三樣甜品
．京之精選
．抹茶&焙茶冰
．抹茶啫喱
93 瀏覽
0 讚好
0 留言
60 瀏覽
0 讚好
0 留言
HKD 98
返兜指數：3.5 / 5
因為排隊排到餓餓地，見個樣幾飽肚又豐富，就點來試試
的確很豐富，4件中村蛋糕共2個口味，還有一球抹茶雪糕
蛋糕同忌廉都有驚喜
蛋糕好鬆好軟又不會太甜
忌廉牛奶味好濃，小了油膩感，平時唔多愛忌廉的我都愛食
雪糕好滑又夠茶味（不過融得好快）
推介入到去就餓餓地的為食客 XD
70 瀏覽
0 讚好
0 留言
61 瀏覽
0 讚好
0 留言
56 瀏覽
0 讚好
0 留言
HKD 98
返兜指數：4 / 5
（不用排隊絕對5分會返兜！）
後面個茶壺不是迷你，所以可想而知刨冰一點都不迷你
起碼比我想像大一個碼，即時覺得這一百元價錢值了點！
三個人分算是剛剛好，一個人食應該融變水都未食完吧
刨冰有好幾款口味，我們選了抹茶加焙茶口味
其實刨冰都一樣，不過多一碗刨冰汁
“等等點解少左碗？”
可能太忙他們忘記了，自己記得有禮提一提就好
其實一上枱兩個人掛住相機食先，完全忘記自己點了哪一款冰
為食的人失去理智，好在還有一個朋友記得。
這款冰個人非常推薦！
可能我大鄉里平時好少食冰，記憶中食過的刨冰都會好實
又有硬冰粒要咬開，還需要用匙羹翻鬆刨冰
這裡的刨冰不會食到一粒粒冰，屬於好綿、入口融化個種
而且刨冰汁份量超足！！！
抹茶味的要小心一下了加得太多，少少已經好甜
mix 焙茶帶點點茶澀，中和下非常Prefect!!!
51 瀏覽
0 讚好
0 留言
53 瀏覽
0 讚好
0 留言
HKD 88
返兜指數：3 / 5
可能之前去京都已經試過京都名物～超水啫喱凍（ 我幫佢加的中文名字，是不是非常貼切XD ）
之前試過所以覺得驚喜不大，其實就是很水很滑的果凍，算是很傳統的甜品
不過味道很淡，吃過刨冰（屬比較味濃）之後，喝口茶漱口再食都不太食得出味道
所以如果點了的話要先吃這個
配上紅豆蓉食都可以
但比＄90 食這個就真的不太值，沒什麼驚喜 份量又小，分享食是一次就夠了。
…
提一提：雪糕好滑融得好快，落單時會問你要不要分開上，建議分開上
就不用趕住趕住食啦！
地方淺窄沒有辦法，不過如果可以的話記得挑窗邊座位！
近距離看着尖沙咀下的高樓頂食
確實有一番風味，心情都靚D
中間那枱私隱度最低，不過等得最快，基本上一個兩個三個幾個人都可以安排坐下。
不論在這裏用餐與否，都可以入來購買中村藤吉自家的產品～有鮮制蛋糕、餅乾、糖果以及其他乾貨紀念品如茶粉、餐具
（原來剛才枱面的枱墊都不惹小，日本手製，幾百大元一張，哇）
有興趣就上來排排隊～享受美食和逛逛啦～
題外話/補充資料：
小提示
．只限現金
．不設訂位
．限時一個半小時交枱
(以上食評乃用戶個人意見 , 並不代表OpenRice之觀點。)
張貼
