影片
更多
2016-02-29
2987 瀏覽
前幾日放假，同兩位朋友去行街，行到咁上下，想搵個地方食下甜品、休息下。三個同為抹茶控，有人提議京林屋，佢話聽朋友介紹都野食唔錯，有時仲會大排長龍 幸好我地戈日下晝去，人流唔多，所以唔洗排隊。店舖唔算太大，但勝左地方濶落 而最特別係有兩枱比屏風圍住，由天花板一直到客人嘅胸口位，完全睇唔到客人同店員個樣。由於我地都有少少肚餓，所以都叫左兩個抹茶蕎麥麵share黎墊一墊底，冷熱各一個 冷嘅先送到黎，格左5分鐘左右，熱嘅亦都隨即送到。原來兩個配料都係相同嘅，有紫菜、蘿蔔蓉同秀珍菇。熱嘅蕎麥麵比較軟腍，所以唔係我喜愛嘅口感 不過湯底經過長時間熬製，味道非常濃郁，但又帶少少清甜。而冷嘅蕎麥麵煙韌彈牙，較為有咬口 而且感覺原汁原味，抹茶味會特出過配熱湯！整體黎講，兩者嘅抹茶味唔算好突出，但帶有輕微清香。製作簡潔唔花巧，不過只要將滑溜溜嘅秀珍菇同黏黏稠稠嘅蘿蔔蓉加入面中，就會有多重口感 細細粒的菇爽口，咬戈陣不時會聽到「卜」一聲。之後我地亦叫左抹茶紅豆年糕甜湯，一打開，抹茶香味就拉撲鼻而來，而且仲清楚見到有三大粒年糕 撈一撈，湯底亦沉澱左好多大大粒嘅紅豆。呢三粒日式年糕有輕輕煎過，所
店舖唔算太大，但勝左地方濶落 而最特別係有兩枱比屏風圍住，由天花板一直到客人嘅胸口位，完全睇唔到客人同店員個樣。
由於我地都有少少肚餓，所以都叫左兩個抹茶蕎麥麵share黎墊一墊底，冷熱各一個 冷嘅先送到黎，格左5分鐘左右，熱嘅亦都隨即送到。原來兩個配料都係相同嘅，有紫菜、蘿蔔蓉同秀珍菇。熱嘅蕎麥麵比較軟腍，所以唔係我喜愛嘅口感 不過湯底經過長時間熬製，味道非常濃郁，但又帶少少清甜。
抹茶蕎麥麵 - 熱
$78
73 瀏覽
0 讚好
0 留言
而冷嘅蕎麥麵煙韌彈牙，較為有咬口 而且感覺原汁原味，抹茶味會特出過配熱湯！整體黎講，兩者嘅抹茶味唔算好突出，但帶有輕微清香。製作簡潔唔花巧，不過只要將滑溜溜嘅秀珍菇同黏黏稠稠嘅蘿蔔蓉加入面中，就會有多重口感 細細粒的菇爽口，咬戈陣不時會聽到「卜」一聲。
抹茶蕎麥麵 - 冷
$78
61 瀏覽
0 讚好
0 留言
之後我地亦叫左抹茶紅豆年糕甜湯，一打開，抹茶香味就拉撲鼻而來，而且仲清楚見到有三大粒年糕 撈一撈，湯底亦沉澱左好多大大粒嘅紅豆。呢三粒日式年糕有輕輕煎過，所以外皮有少少焦香。但口感又煙煙韌韌，充滿米香 眾所周知紅豆同抹茶嘅味道一向都相配，飲一啖湯，濃郁嘅抹茶帶有甘甜，正好解左紅豆嘅甜膩！
抹茶紅豆年糕甜湯
$68
71 瀏覽
0 讚好
0 留言
抹茶紅豆年糕甜湯
$68
63 瀏覽
0 讚好
0 留言
特濃焙茶雪山
$98
51 瀏覽
0 讚好
0 留言
原來每一間京林屋都會有一款特色的限定甜品，而我地叫嘅香港限定芭菲亦只限於呢間店。最頂配上抹茶軟雪糕，之後下面陸續有白玉、啫喱、紅豆蓉、抹茶忌廉、海綿蛋糕同雜果等配料 抹茶雪糕最為特出，口感軟滑，奶味同香濃嘅抹茶味配搭得岩岩好，而且甜度唔高 其次我中意海綿蛋糕點上抹茶雪糕，咁樣令到平平無奇嘅蛋糕變得帶有茶香！
香港限定芭菲
$98
53 瀏覽
0 讚好
0 留言
一口氣食咁多抹茶味食品，作為抹茶控嘅我表示非常滿足 日後去銅鑼灣行街，又會有多一個好嘅聚腳點。
張貼
