茶之環 (已結業)

難得早放工，黎買個卷蛋返去享受下。之前有同事請食年輪蛋糕，銅鑼燒同芝士蛋糕，全部都好好食，好香抺茶味不在話下，銅鑼燒濕潤軟綿綿更係令我念念不忘。店員見我猶疑買咩，細心為我介紹，重有得試食卷蛋添。揀D未食過嫁啦。抹茶夾心蛋糕：好食但冇乜驚喜。抺茶味冇預期咁濃，可能係抺茶朱古力夾心，所以偏甜抹茶梳乎厘：比夾心蛋糕的抺茶味濃，帶有少少抺茶芝士蛋糕既感覺，份量都係咁細最期待既抹茶卷蛋，果然冇令我失望。質感濕潤又軟綿綿，濃濃既抺茶味，且帶有回甘。抺茶忌廉軟滑，夾係蛋糕中間，將味道同口感帶到另一個層次。忌廉感覺好light，食左半條都唔覺溜，重有點意猶未盡。宏既蛋卷都係充滿抺茶甘香，同茶之環比味道可謂不相伯仲，但茶之環蛋糕質感較出色。