龍鳳祥餃子館 (已結業)

上網見到呢間有一款牛犇麵， 個名好特別，一睇都知好多牛肉，所以入去一試。7點鐘食飯時候，都坐滿晒人，好彩仲有兩個卡位，我同朋友一人點左一款麵，再加口水雞同兩杯豆漿，食完都好飽，而且味道都唔錯。朋友試咗個牛犇麵$46，牛肉嘅份量都好多，首先試左佢嘅湯底，幾清甜，飲落冇加味精，牛肉夠淋身，煮嘅時間啱啱好，一啲都唔痴牙，整碗面嘅份量都好足夠我就食咗碗擔擔麵$36，面嘅份量真係超多，差唔多有成兩個面👍🏼👍🏼，真係超抵食，個湯底好濃郁，好重嘅花生味，帶點微辣，面底吸晒湯汁，我個人鍾意呢種食法。口水雞$58佢只有大份嘅選擇，份量都幾多，雞肉夠滑身，而且都幾大件，唔好睇上面好似好多辣椒，其實都唔係太辣，下面係青瓜鋪底，一款餸可以當兩個小食，幾好嘅選擇😂豆漿＄5一杯，豆味幾香，而且都係屬於少甜系列，用嚟解擔擔面嘅辣度啱啱好。唔使加一，埋單＄150 ,都算抵食，下次去開西九龍都可以再食。