影片
更多
2020-05-14
108 瀏覽
放工後約左朋友去左旺角食飯，呢間就腳又方便我地搭車，於是就揀左呢間食，我地都食抱住試新野嘅心態去試~我地入到去會有員工同我地先量度體溫，做足防疫措施。我地就揀左2款主食、1款小食同2杯飲品。日式柚子冰冰凍柚子蜜又清涼又潤喉，岩哂而家呢啲熱辣辣嘅天氣飲，清新解渴。蘆薈提子梳打冰提子味好濃郁，仲有粒粒蘆薈果肉，口感豐富，味道又唔會好甜。味自慢叉燒拉麵本人正正係一個拉麵控，特別係豬骨白湯，個人認為原汁原味就可以一試便知龍與鳳，「味自慢」代表餐廳對呢碗自家制叉燒拉麵非常之有信心，講到咁「把炮」就當然要試下啦~先講拉麵嘅主角之一，日式叉燒。有兩件香噴噴嘅肥美叉燒，同出面食嘅好唔一樣，出面食嘅拉麵會附有薄片叉燒，通想肉質都會比較瘦，而呢到嘅叉燒唔單只係厚切，而且十分肥美，外面經過微微火灸過，入口好甘香可口，咬落去非常軟腍滑溜，仲帶有肉香味。拉麵靈魂人物─湯底，有好濃郁嘅豬骨味，湯頭非常濃厚，好有膠質，調味簡單，飲完之後都唔會覺得口渴。拉麵掛湯能力唔錯，入口幾有咬勁，唔會煮左糊哂黐埋一齊。爐端厚燒鰻魚丼朋友就食呢款，燒鰻魚真係夠哂份量，好大條，食落仲好肥美，仲要無骨，周圍仲伴隨蛋絲，燒汁流左落飯到，
放工後約左朋友去左旺角食飯，呢間就腳又方便我地搭車，於是就揀左呢間食，我地都食抱住試新野嘅心態去試~我地入到去會有員工同我地先量度體溫，做足防疫措施。我地就揀左2款主食、1款小食同2杯飲品。
日式柚子冰
冰凍柚子蜜又清涼又潤喉，岩哂而家呢啲熱辣辣嘅天氣飲，清新解渴。
蘆薈提子梳打冰
提子味好濃郁，仲有粒粒蘆薈果肉，口感豐富，味道又唔會好甜。
味自慢叉燒拉麵
本人正正係一個拉麵控，特別係豬骨白湯，個人認為原汁原味就可以一試便知龍與鳳，「味自慢」代表餐廳對呢碗自家制叉燒拉麵非常之有信心，講到咁「把炮」就當然要試下啦~
先講拉麵嘅主角之一，日式叉燒。有兩件香噴噴嘅肥美叉燒，同出面食嘅好唔一樣，出面食嘅拉麵會附有薄片叉燒，通想肉質都會比較瘦，而呢到嘅叉燒唔單只係厚切，而且十分肥美，外面經過微微火灸過，入口好甘香可口，咬落去非常軟腍滑溜，仲帶有肉香味。
拉麵靈魂人物─湯底，有好濃郁嘅豬骨味，湯頭非常濃厚，好有膠質，調味簡單，飲完之後都唔會覺得口渴。
拉麵掛湯能力唔錯，入口幾有咬勁，唔會煮左糊哂黐埋一齊。
爐端厚燒鰻魚丼
朋友就食呢款，燒鰻魚真係夠哂份量，好大條，食落仲好肥美，仲要無骨，周圍仲伴隨蛋絲，燒汁流左落飯到，食落仲燒汁嘅鹹甜味之外仲有鰻魚嘅鮮味，用黎撈飯食係十分之好食。
日本煎餃子
煎至金黃色，見到都已經覺得好吸引，日式煎餃仲會有脆卜卜嘅薄脆，食落更加香口，食之前點上餃子汁，好好食，餃子皮好薄之餘食落仲好有水份，唔會煎到乾淨淨，日式煎餃從來無令我地失望~
張貼
