影片
更多
2023-06-20
380 瀏覽
應該都有一段時間冇嚟過呢間立体派，而家喺中環返工，好自然就諗起呢間嘢。今日一班人過嚟食拉麵，最好就係可以叫幾個唔同款式嘅麵一齊食，咁樣先至最盡興，特別係立体派嘅麵款都幾多，你得一兩個人，總會帶着其他想食嘅野遺憾地離去。當日食咗勁打卡嘅涼風紅藏蟹高湯鹽拉麵，配上特製醬油醃製3cm 厚切慢煮叉燒嘅九味醬油湯拉麵，立体派最出名嘅特級雞白湯拉麵，仲有大阪芫荽和風蕃茄湯拉麵配低溫慢煮叉燒，全部都係有特色，同埋好啱影影影嘅選擇。咁熱嘅天氣就先講涼風紅藏蟹高湯鹽拉麵，相信睇個名你都唔係好知係乜嘢，但如果我話你佢來自鳥取縣，你應該會有印象，加上瀨戶內粗鹽配成精華花蛤鹽醬汁，個湯直頭係好似蟹湯咁。配上沾麵，新清的香氣好適合夏日，而最重要係佢嘅泡泡造型，仲有一碟好靚嘅配菜如帶子同腩肉，都幾好。大阪芫荽和風蕃茄湯拉麵就啱晒我呢啲芫荽控，首先佢唔係湯麵，我佢嘅蕃茄汁勁濃，食落口就好似沾麵一樣，個人覺得個蕃茄湯真係好特別，愛好番茄嘅人一定要試。九味醬油湯拉麵同特級雞白湯拉麵就較傳統，前者你聽個名以為冇特別，但每碗拉麵包左呢個特製醬油醃製的 3cm 厚切慢煮叉燒，肉質好軟腍，入口即溶，好邪惡，但你都一定忍唔住會食
應該都有一段時間冇嚟過呢間立体派，而家喺中環返工，好自然就諗起呢間嘢。
今日一班人過嚟食拉麵，最好就係可以叫幾個唔同款式嘅麵一齊食，咁樣先至最盡興，特別係立体派嘅麵款都幾多，你得一兩個人，總會帶着其他想食嘅野遺憾地離去。
當日食咗勁打卡嘅涼風紅藏蟹高湯鹽拉麵，配上特製醬油醃製3cm 厚切慢煮叉燒嘅九味醬油湯拉麵，立体派最出名嘅特級雞白湯拉麵，仲有大阪芫荽和風蕃茄湯拉麵配低溫慢煮叉燒，全部都係有特色，同埋好啱影影影嘅選擇。
咁熱嘅天氣就先講涼風紅藏蟹高湯鹽拉麵，相信睇個名你都唔係好知係乜嘢，但如果我話你佢來自鳥取縣，你應該會有印象，加上瀨戶內粗鹽配成精華花蛤鹽醬汁，個湯直頭係好似蟹湯咁。配上沾麵，新清的香氣好適合夏日，而最重要係佢嘅泡泡造型，仲有一碟好靚嘅配菜如帶子同腩肉，都幾好。
大阪芫荽和風蕃茄湯拉麵就啱晒我呢啲芫荽控，首先佢唔係湯麵，我佢嘅蕃茄汁勁濃，食落口就好似沾麵一樣，個人覺得個蕃茄湯真係好特別，愛好番茄嘅人一定要試。
九味醬油湯拉麵同特級雞白湯拉麵就較傳統，前者你聽個名以為冇特別，但每碗拉麵包左呢個特製醬油醃製的 3cm 厚切慢煮叉燒，肉質好軟腍，入口即溶，好邪惡，但你都一定忍唔住會食，再配多一啖傳統嘅醬油拉麵，真係好暴力。淨係用九種醬油，你都知道佢唔係一般醬油拉麵咁簡單，但最正都係嗰條粗不得了嘅叉燒。
後者就勁大碗，好多塊令人垂涎欲滴嘅叉燒，仲有勁濃嘅特級雞白湯，當然好多雞白湯嘅信徒話呢度嘅雞白湯相對單調平穩，但係我覺得以價錢佢嘅質素真係算係不錯。
仲有好多特色小食，餃子就當然唔少得，最正仲有章魚小丸子，咁多小食同麵嘅選擇真係好啱三心兩意嘅人，或者呢期冇乜人講，但係講番起佢你會唔會又想去下呢？
張貼
